खेबाङमा खेलकुद महोत्सव हुने



ताप्लेजुङ, असोज १८ गते । ताप्लेजुङको सिरिजङ्गा गाउँपालिका–५ खेबाङमा आगामी कात्तिक १६ गतेदेखि खेलकुद महोत्सव हुने भएको छ । खेबाङ स्पोर्टिङ क्लबको आयोजनामा कात्तिक १६ देखि २१ गतेसम्म छ दिने खेलकुद महोत्सव सञ्चालन हुने भएको हो ।

क्लबले आइतबार सदरमुकाम फुङलिङमा पत्रकार सम्मेलन गरी महोत्सवबारे जानकारी दिएको हो । क्लबका अध्यक्ष बिनम मावोका अनुसार विगतका वर्षमा खेबाङ गोल्डकप सञ्चालन हुँदै आएकोमा यस वर्षदेखि विभिन्न खेलकुद विधा समेटेर महोत्सव आयोजना गर्न लागिएको हो ।

महोत्सवमा खुला पुरुष फुटबल, वडास्तरीय पुरुष तथा महिला भलिबल, हाफ म्याराथनलगायत प्रतियोगिता सञ्चालन हुनेछन् । साथै विभिन्न सांस्कृतिक कार्यक्रमसमेत आयोजना गरिने क्लबले जनाएको छ । ‘सिरिजङ्गाको गौरव कञ्चनजङ्घा, स्वास्थ्यका लागि खेलकुद, राष्ट्रका लागि खेलकुद’ भन्ने नारासहित महोत्सव सञ्चालन गर्ने तयारी गरिएको छ ।

खुला पुरुष फुटबल प्रतियोगिताका विजेताले एक लाख ५५ हजार ५८३ र उपविजेताले एक लाख पाँच हजार ५८३ रुपियाँ पुरस्कार पाउनेछन् । दुवै टोलीलाई ट्रफी, मेडल र प्रमाणपत्रसमेत प्रदान गरिनेछ । वडास्तरीय पुरुष भलिबलका विजेताले ६० हजार र उपविजेताले ४० हजार तथा महिला भलिबलका विजेताले ३० हजार र उपविजेताले २० हजार रुपियाँ पाउने आयोजकले जनाएको छ ।

हाफ म्याराथनमा प्रथमदेखि दशौँ स्थानसम्मका खेलाडीलाई नगद पुरस्कार प्रदान गरिनेछ । प्रथमले ३३ हजार ३८३, द्वितीयले २२ हजार ३८३ र तृतीयले १३ हजार ३८३ रुपियाँ पाउनेछन् ।

खेबाङलाई पर्यटनसँग जोड्दै स्थानीय क्षेत्रको प्रचारप्रसार र प्रवर्धन गर्ने उद्देश्यले महोत्सव आयोजना गरिएको अध्यक्ष मावोले बताउनुभयो । महोत्सव सम्पन्न गर्न करिब २५ लाख रुपियाँ खर्च हुने अनुमान गरिएको छ । स्थानीय तह, जलविद्युत् आयोजना तथा देश–विदेशमा रहेका खेलकुदप्रेमीबाट प्राप्त सहयोगका आधारमा महोत्सव सञ्चालन गर्ने तयारी गरिएको क्लबले जनाएको छ ।

प्रकाशित मिति : 12:38 pm

ताप्लेजुङको फङफङदेन झरनामा जारी अलैँची कप : फेदाप फाइनलमा

ताप्लेजुङ, मङ्सिर ५ गते । ताप्लेजुङको मिक्वाखोला गाउँपालिका–४, साँवास्थित फङफङदेन

दोभान–सान्थाक्रा सडक बन्द हुने

ताप्लेजुङ, मङ्सिर ४ गते । ताप्लेजुङको मेरिङ्देन गाउँपालिकामा दोभान बजारदेखि

ताप्लेजुङमा लागूऔषधसहित युवक पक्राउ

ताप्लेजुङ, मङ्सिर ४ गते । ताप्लेजुङमा खैरो हेरोइनजस्तो देखिने लागूऔषधसहित

ताप्लेजुङको पर्यटन विकासमा गुरुयोजना आवश्यक : मन्त्री लङ्वा

ताप्लेजुङ मङ्सिर ३ गते । कोशी प्रदेश सरकारका पर्यटन, वन

फुङ्फुङ्देन झरना पर्यटन मेला : आज दुई खेल हुने

ताप्लेजुङ, मङसिर ३ गते । ताप्लेजुङको मिक्वाखोला गाउँपालिकामा आयोजित फुङ्फुङ्देन