ताप्लेजुङमा लागूऔषधसहित युवक पक्राउ



ताप्लेजुङ, मङ्सिर ४ गते । ताप्लेजुङमा खैरो हेरोइनजस्तो देखिने लागूऔषधसहित एक युवक पक्राउ परेका छन् ।

पक्राउ पर्नेमा फुङ्लिङ नगरपालिका–७ निवासी १९ वर्षीय आशिष लिम्बू रहेका छन् । उनलाई फुङ्लिङ नगरपालिका–४ स्थित तोक्मेडाँडा बसपार्क क्षेत्रमा लागूऔषध बिक्री वितरण भइरहेको भन्ने गोप्य सूचनाका आधारमा पक्राउ गरिएको जिल्ला प्रहरी कार्यालय ताप्लेजुङका सूचना अधिकारी तथा प्रहरी निरीक्षक विन्देश्वर यादवले जानकारी दिनुभयो ।

उहाँका अनुसार विहीबार दिउँसो करिब २ बजे प्रहरी टोलीले उक्त क्षेत्रमा जाँच गर्ने क्रममा लिम्बूलाई शङ्कास्पद अवस्थामा फेला पारेको थियो । प्रहरीले खानतलासी गर्दा उनको साथबाट खैरो हेरोइनजस्तो देखिने एक ग्राम लागूऔषध बरामद गरेको जिल्ला प्रहरी कार्यालयले जनाएको छ ।

लागूऔषधसहित पक्राउ परेका लिम्बूलाई लागूऔषध नियन्त्रण ऐन, २०३३ को दफा २२ (ग) बमोजिम मुद्दा दर्ता गरी थप अनुसन्धान अघि बढाइएको प्रहरीले जनाएको छ ।

प्रहरीका अनुसार जिल्ला अदालत ताप्लेजुङबाट १९ दिनको म्याद थप अनुमति लिएर घटनाबारे थप अनुसन्धान भइरहेको छ ।

प्रकाशित मिति : 9:54 pm

दोभान–सान्थाक्रा सडक बन्द हुने

ताप्लेजुङ, मङ्सिर ४ गते । ताप्लेजुङको मेरिङ्देन गाउँपालिकामा दोभान बजारदेखि

ताप्लेजुङमा लागूऔषधसहित युवक पक्राउ

ताप्लेजुङ, मङ्सिर ४ गते । ताप्लेजुङमा खैरो हेरोइनजस्तो देखिने लागूऔषधसहित

ताप्लेजुङको पर्यटन विकासमा गुरुयोजना आवश्यक : मन्त्री लङ्वा

ताप्लेजुङ मङ्सिर ३ गते । कोशी प्रदेश सरकारका पर्यटन, वन

फुङ्फुङ्देन झरना पर्यटन मेला : आज दुई खेल हुने

ताप्लेजुङ, मङसिर ३ गते । ताप्लेजुङको मिक्वाखोला गाउँपालिकामा आयोजित फुङ्फुङ्देन

फुङ्फुङ्देन झरना पर्यटन तथा सांस्कृतिक मेला सुरु 

ताप्लेजुङ, मङसिर ३ गते । ताप्लेजुङको मिक्वाखोला गाउँपालिकामा फुङ्फुङ्देन झरना