दोभान–सान्थाक्रा सडक बन्द हुने



ताप्लेजुङ, मङ्सिर ४ गते । ताप्लेजुङको मेरिङ्देन गाउँपालिकामा दोभान बजारदेखि गाउँपालिकाको केन्द्र सन्थाक्रासम्मको सडक कालोपत्रे गर्ने काम सुरु हुने भएपछि सडकखण्डमा सवारी आवागमन बन्द हुने भएको छ ।

गाउँपालिकाले पहिलो खण्डको सडक कालोपत्रे गर्ने काम शनिबारदेखि सुरु गर्ने भएपछि साविकको साङ्थाक्रादेखि पहिलो टर्निङसम्म साना तथा ठूला सबै सवारीसाधनको आवागमन पूर्ण रूपमा बन्द गर्ने भएको हो ।

गाउँपालिकाका अनुसार दोभान बजारदेखि गाउँपालिकाको केन्द्रसम्म सडक कालोपत्रे गर्ने योजनाअन्तर्गत पहिलो चरणमा २.५ किलोमिटर सडक कालोपत्रे गरिने छ ।

निर्माण कार्यलाई गुणस्तरीय, सुरक्षित तथा तीव्र गतिमा सम्पन्न गर्न सडक बन्द गर्नुपरेको गाउँपालिका अध्यक्ष युकहाङ विर हाङ्गाम (डम्बर) ले बताउनुभयो ।

सडक बन्द हुँदा यात्रु तथा सवारीधनीलाई पर्न जाने असुविधाप्रति गाउँपालिकाले क्षमायाचना गरेको छ । साथै साना चारपाङ्ग्रे तथा दुईपाङ्ग्रे सवारीसाधनलाई मयुरडाँडा–सावाक्रादेखि वैकल्पिक मार्ग प्रयोग गरी यात्रा गर्न आग्रह गरेको छ ।

निर्माण कार्यलाई समयमै सम्पन्न गर्न सहयोग पुर्‍याउन गाउँपालिकाले सम्बन्धित सबैमा अनुरोध गरेको छ ।

प्रकाशित मिति : 10:02 pm

दोभान–सान्थाक्रा सडक बन्द हुने

ताप्लेजुङ, मङ्सिर ४ गते । ताप्लेजुङको मेरिङ्देन गाउँपालिकामा दोभान बजारदेखि

ताप्लेजुङमा लागूऔषधसहित युवक पक्राउ

ताप्लेजुङ, मङ्सिर ४ गते । ताप्लेजुङमा खैरो हेरोइनजस्तो देखिने लागूऔषधसहित

ताप्लेजुङको पर्यटन विकासमा गुरुयोजना आवश्यक : मन्त्री लङ्वा

ताप्लेजुङ मङ्सिर ३ गते । कोशी प्रदेश सरकारका पर्यटन, वन

फुङ्फुङ्देन झरना पर्यटन मेला : आज दुई खेल हुने

ताप्लेजुङ, मङसिर ३ गते । ताप्लेजुङको मिक्वाखोला गाउँपालिकामा आयोजित फुङ्फुङ्देन

फुङ्फुङ्देन झरना पर्यटन तथा सांस्कृतिक मेला सुरु 

ताप्लेजुङ, मङसिर ३ गते । ताप्लेजुङको मिक्वाखोला गाउँपालिकामा फुङ्फुङ्देन झरना