ताप्लेजुङ । नेपाल नेत्र ज्योति संघ डिचेन डोङ्गला आँखा उपचार केन्द्र ताप्लेजुङ र याङ्वरक गाउँपालिका थर्पुद्वारा पाँचथरको थर्पुमा सञ्चालित आँखा शिविरमा ३२ जनाको शल्यक्रिया भएको छ । विहीबार र शुक्रबार सञ्चालित शिविरबाट ३ सय ९७ जनाले लाभ लिएका हुन् ।
डिचेन डोङ्गला आँखा उपचार केन्द्रका वरिष्ठ क्लिनिक इन्चार्ज काजी गुरुङका अनुसार २ सय २८ जनालाई चस्मा वितरण गरिएको थियो । १७ र १८ गते पाँचथरको याशोकमा पनि शिविर सञ्चालन हुनेछ ।
यसअघि मंसिर १० देखि १२ गते सम्म ताप्लेजुङ सदरमुकाम फुङलिङमा सञ्चालित शिविरमा १ सय ३१ जनाको शल्यक्रिया भएको थियो । मोति विन्दुका लागि शिविरमा निशुल्क शल्यक्रिया गरिएको हो ।
पछिल्लो समय नेपाल नेत्रज्योति संघ डिचेन डोङ्गला आँखा उपचार केन्द्रले सक्रियका साथ यस्ता कार्यहरू गर्दै आइरहेको छ ।
प्रतिक्रिया