दोभान अग्निपीडितलाई नेकपाको राहत



ताप्लेजुङ, असोज १२ गते । ताप्लेजुङको मेरिङ्देन गाउँपालिका–३ दोभानका अग्निपीडित परिवारलाई नेपाल कम्युनिष्ट पार्टी (नेकपा) ले राहत सामग्री उपलब्ध गराएको छ । नेकपाको टोलीले सोमबार दोभान पुगेर आगलागीबाट विस्थापित परिवारलाई सिरक, डसना, तन्ना, सिरानीलगायतका आवश्यक सामग्री वितरण गरेको हो ।

विपद्को समयमा पीडित परिवारलाई तत्काल आवश्यक सामग्री उपलब्ध गराउने उद्देश्यले राहत वितरण गरिएको नेकपाकी केन्द्रीय सदस्य नीता शिवा बताउनुभयो । राहत वितरण कार्यक्रममा केन्द्रीय सदस्य शिवा, अनुशासन आयोग सदस्य इन्द्र श्रेष्ठलगायत जिल्ला तहका नेताहरूको उपस्थिति थियो ।

आगलागीबाट घर तथा धनमाल गुमाएका परिवारलाई पुनःस्थापना गर्न तत्कालीन राहतसँगै दीर्घकालीन सहयोग आवश्यक रहेको नेताहरूले बताएका थिए ।

गत असोज ८ गते दोभान बजारमा भएको आगलागीमा १० वटा घर जलेर पूर्ण रूपमा नष्ट भएका थिए । आगलागीका कारण १७ परिवार विस्थापित भएका छन् । आगलागीबाट घरसँगै लत्ताकपडा, खाद्यान्न, फर्निचर, पसल तथा अन्य सामग्री जलेर नष्ट भएको प्रहरीले जनाएको छ ।

प्रहरीका अनुसार आगलागीबाट करिब १४ करोड ५६ लाख रुपियाँ बराबरको धनमाल क्षति भएको छ । आगलागीबाट विस्थापित परिवार हाल अस्थायी आश्रयमा बस्दै आएका छन् ।

पीडित परिवारको राहत, पुनःस्थापना तथा आवास व्यवस्थापनका लागि विभिन्न व्यक्ति, राजनीतिक दल, संघसंस्था र स्थानीय तहबाट सहयोग जुट्ने क्रम जारी छ ।

प्रकाशित मिति : 5:43 pm

डा. सन्दुक रुइतको उपस्थितिमा सञ्चालन हुने निःशुल्क आँखा शिविर आजबाट सुरु

ताप्लेजुङ, मङ्सिर ५ गते । ताप्लेजुङमा विश्वविख्यात नेत्ररोग विशेषज्ञ डा.

ताप्लेजुङको फङफङदेन झरनामा जारी अलैँची कप : फेदाप फाइनलमा

ताप्लेजुङ, मङ्सिर ५ गते । ताप्लेजुङको मिक्वाखोला गाउँपालिका–४, साँवास्थित फङफङदेन

दोभान–सान्थाक्रा सडक बन्द हुने

ताप्लेजुङ, मङ्सिर ४ गते । ताप्लेजुङको मेरिङ्देन गाउँपालिकामा दोभान बजारदेखि

ताप्लेजुङमा लागूऔषधसहित युवक पक्राउ

ताप्लेजुङ, मङ्सिर ४ गते । ताप्लेजुङमा खैरो हेरोइनजस्तो देखिने लागूऔषधसहित

ताप्लेजुङको पर्यटन विकासमा गुरुयोजना आवश्यक : मन्त्री लङ्वा

ताप्लेजुङ मङ्सिर ३ गते । कोशी प्रदेश सरकारका पर्यटन, वन