पाथीभरामा भदौमा १३ लाख ६७ हजार भेटी सङ्कलन



ताप्लेजुङ, असोज १ गते । ताप्लेजुङस्थित प्रसिद्ध धार्मिकस्थल पाथीभरा मन्दिरमा भदौ महिनामा १३ लाख ६७ हजार रुपियाँ भेटी सङ्कलन भएको छ । पाथीभरा क्षेत्र विकास समितिले बुधबार सार्वजनिक गरेको विवरणअनुसार एक महिनाको अवधिमा उक्त रकम सङ्कलन भएको हो ।

समितिका कार्यकारी निर्देशक प्रजिन हाङबाङका अनुसार भदौमा छ हजार १२३ जना तीर्थयात्रीले पाथीभरा मन्दिरको दर्शन गरेका छन् । समितिले मन्दिरमा दर्शनार्थीले चढाएको भेटी हरेक महिनाको मसान्तमा सार्वजनिक गर्दै आएको छ ।

चालु आर्थिक वर्षको साउनमा भने तीन लाख १८ हजार ५०० रुपियाँ भेटी सङ्कलन भएको थियो । गत आर्थिक वर्षको साउनमा १० लाख ३९ हजार रुपियाँ भेटी सङ्कलन भएको समितिको तथ्याङ्कमा उल्लेख छ ।

गत आर्थिक वर्षको भदौको तुलनामा यस वर्ष तीर्थयात्रीको सङ्ख्या र भेटी दुवै बढेको देखिएको छ । गत आवको भदौमा चार हजार ५०३ जना तीर्थयात्रीले पाथीभराको दर्शन गर्दा नौ लाख ९७ हजार रुपियाँ भेटी सङ्कलन भएको थियो ।

पाथीभरा मन्दिरमा भेटीबाहेक दर्शनार्थीले शैक्षिक सामग्री, सुनचाँदी, माना–पाथी, त्रिशूल, घण्टी, सिक्कालगायतका सामग्रीसमेत चढाउने गरेका छन् । यस्ता सामग्री समितिका कर्मचारीले नेपाल प्रहरीको रोहबरमा सङ्कलन गरी सुरक्षित भण्डारण गर्ने गरेका छन् ।

समितिका अनुसार गत आर्थिक वर्षभरि पाथीभरामा दुई लाख ५२ हजार ७८ जना दर्शनार्थी पुगेका थिए । सो अवधिमा चार करोड ८२ लाख तीन हजार ८५५ रुपियाँ भेटी सङ्कलन भएको थियो ।

प्रकाशित मिति : 6:30 am

पाथीभराबारे तीन भाषामा पुस्तक प्रकाशन

ताप्लेजुङ, मङ्सिर ५ गते । ताप्लेजुङस्थित प्रसिद्ध धार्मिक तीर्थस्थल पाथीभरा

डा. सन्दुक रुइतको उपस्थितिमा सञ्चालन हुने निःशुल्क आँखा शिविर आजबाट सुरु

ताप्लेजुङ, मङ्सिर ५ गते । ताप्लेजुङमा विश्वविख्यात नेत्ररोग विशेषज्ञ डा.

ताप्लेजुङको फङफङदेन झरनामा जारी अलैँची कप : फेदाप फाइनलमा

ताप्लेजुङ, मङ्सिर ५ गते । ताप्लेजुङको मिक्वाखोला गाउँपालिका–४, साँवास्थित फङफङदेन

दोभान–सान्थाक्रा सडक बन्द हुने

ताप्लेजुङ, मङ्सिर ४ गते । ताप्लेजुङको मेरिङ्देन गाउँपालिकामा दोभान बजारदेखि

ताप्लेजुङमा लागूऔषधसहित युवक पक्राउ

ताप्लेजुङ, मङ्सिर ४ गते । ताप्लेजुङमा खैरो हेरोइनजस्तो देखिने लागूऔषधसहित