फक्ताङलुङले राहत कोषमा २६ लाख जम्मा गर्ने



ताप्लेजुङ, भदौ ३० गते । ताप्लेजुङको फक्ताङलुङ गाउँपालिकाले प्रधानमन्त्री दैवी प्रकोप राहत कोषमा २६ लाख १५ हजार ७४२ रुपियाँ १७ पैसा जम्मा गर्ने भएको छ ।

गाउँपालिकाका जनप्रतिनिधि, कर्मचारी तथा सामुदायिक विद्यालयमा कार्यरत शिक्षक र कर्मचारीबाट उक्त रकम संकलन गरिएको गाउँपालिका अध्यक्ष राजन लिम्बू (मुक्ति) र प्रमुख प्रशासकीय अधिकृत मैताहाङ लिम्बूले सोमबार जारी गर्नुभएको विज्ञप्तिमा उल्लेख छ ।

जनप्रतिनिधिको १५ दिन बराबरको सेवा सुविधाबाट दुई लाख ३४ हजार २५० रुपियाँ, गाउँपालिकामा कार्यरत कर्मचारीको तलबबाट छ लाख ४८ हजार ५३२ रुपियाँ र सामुदायिक विद्यालयका शिक्षक तथा कर्मचारीको तलबबाट १७ लाख ३२ हजार ९६० रुपियाँ १७ पैसा संकलन गरिएको हो ।

भोटेकोशी नदीसहित विभिन्न स्थानमा आएको बाढी तथा अन्य प्राकृतिक विपद्बाट प्रभावित नागरिकको राहत तथा पुनःस्थापनामा सहयोग पु¥याउने उद्देश्यले रकम संकलन गरिएको गाउँपालिकाले जनाएको छ ।

गाउँ कार्यपालिकाको भदौ २६ गते बसेको बैठकले विपद् प्रभावितका लागि सहयोग रकम संकलन गर्ने निर्णय गरेको थियो । सोही निर्णयअनुसार संकलित रकम एकमुष्ट रूपमा प्रधानमन्त्री दैवी प्रकोप राहत कोषमा जम्मा गरिने प्रमुख प्रशासकीय अधिकृत लिम्बूले जानकारी दिनुभयो ।

प्रकाशित मिति : 7:11 am

पाथीभराबारे तीन भाषामा पुस्तक प्रकाशन

ताप्लेजुङ, मङ्सिर ५ गते । ताप्लेजुङस्थित प्रसिद्ध धार्मिक तीर्थस्थल पाथीभरा

डा. सन्दुक रुइतको उपस्थितिमा सञ्चालन हुने निःशुल्क आँखा शिविर आजबाट सुरु

ताप्लेजुङ, मङ्सिर ५ गते । ताप्लेजुङमा विश्वविख्यात नेत्ररोग विशेषज्ञ डा.

ताप्लेजुङको फङफङदेन झरनामा जारी अलैँची कप : फेदाप फाइनलमा

ताप्लेजुङ, मङ्सिर ५ गते । ताप्लेजुङको मिक्वाखोला गाउँपालिका–४, साँवास्थित फङफङदेन

दोभान–सान्थाक्रा सडक बन्द हुने

ताप्लेजुङ, मङ्सिर ४ गते । ताप्लेजुङको मेरिङ्देन गाउँपालिकामा दोभान बजारदेखि

ताप्लेजुङमा लागूऔषधसहित युवक पक्राउ

ताप्लेजुङ, मङ्सिर ४ गते । ताप्लेजुङमा खैरो हेरोइनजस्तो देखिने लागूऔषधसहित