बेपत्ता भएको छ दिनपछि महिला मृत फेला



ताप्लेजुङ, भदौ २७ गते । ताप्लेजुङको आठराई त्रिवेणी गाउँपालिका–१ निगुरादिनकी एक महिला बेपत्ता भएको छ दिनपछि मृत अवस्थामा फेला पर्नुभएको छ ।

निगुरादिनकी ३३ वर्षीया निर्मला पोमू गत भदौ २१ गते बिहानदेखि बेपत्ता हुनुभएको थियो । उहाँलाई शनिबार दिउँसो खोजी गर्ने क्रममा गजलडाँडा भीरमा मृत अवस्थामा फेला पारिएको स्थानीय रोशन शेर्पाले जानकारी दिनुभयो ।

शेर्पाका अनुसार शनिबार दिउँसो करिब साढे १ बजे खोजी गर्ने क्रममा बाटोदेखि करिब तीन सय मिटर तल महिलाको शव फेला परेको हो । स्थानीयका अनुसार शव सडेको अवस्थामा भेटिएको छ ।

स्थानीयले बाटोबाट लडेर उहाँको मृत्यु भएको हुनसक्ने प्रारम्भिक अनुमान गरेका छन् । घटनास्थलमा निगुरादिनको अस्थायी प्रहरी चौकीबाट प्रहरी खटिएको छ ।

घटनाको विषयमा थप अनुसन्धान तथा शवको कानुनी प्रक्रिया पूरा गर्न इलाका प्रहरी कार्यालय दोभानबाट प्रहरी टोली परिचालन गरिएको जिल्ला प्रहरी कार्यालय ताप्लेजुङका प्रमुख प्रहरी नायब उपरीक्षक (डिएसपी) कमल बजगाईँले जानकारी दिनुभयो ।

प्रकाशित मिति : 6:55 pm

पाथीभराबारे तीन भाषामा पुस्तक प्रकाशन

ताप्लेजुङ, मङ्सिर ५ गते । ताप्लेजुङस्थित प्रसिद्ध धार्मिक तीर्थस्थल पाथीभरा

डा. सन्दुक रुइतको उपस्थितिमा सञ्चालन हुने निःशुल्क आँखा शिविर आजबाट सुरु

ताप्लेजुङ, मङ्सिर ५ गते । ताप्लेजुङमा विश्वविख्यात नेत्ररोग विशेषज्ञ डा.

ताप्लेजुङको फङफङदेन झरनामा जारी अलैँची कप : फेदाप फाइनलमा

ताप्लेजुङ, मङ्सिर ५ गते । ताप्लेजुङको मिक्वाखोला गाउँपालिका–४, साँवास्थित फङफङदेन

दोभान–सान्थाक्रा सडक बन्द हुने

ताप्लेजुङ, मङ्सिर ४ गते । ताप्लेजुङको मेरिङ्देन गाउँपालिकामा दोभान बजारदेखि

ताप्लेजुङमा लागूऔषधसहित युवक पक्राउ

ताप्लेजुङ, मङ्सिर ४ गते । ताप्लेजुङमा खैरो हेरोइनजस्तो देखिने लागूऔषधसहित