ताप्लेजुङ, भदौ ७ गते । मुक्कुमलुङ साहित्यिक प्रतिष्ठानको अध्यक्षमा मनिष हेल्लोक चयन हुनुभएको छ । शनिबार सम्पन्न प्रतिष्ठानको प्रथम साधारणसभा तथा अधिवेशनले हेल्लोकको अध्यक्षतामा १५ सदस्यीय कार्यसमिति सर्वसम्मत चयन गरेको हो ।
नवनिर्वाचित कार्यसमितिको उपाध्यक्षमा सीता पिरती, मणि सेम्बू र देवानसिंह मादेन चयन हुनुभएको छ । यस्तै महासचिवमा उदय भट्टराई, सचिवमा नवराज आचार्य, कोषाध्यक्षमा लीला आँसु, सहसचिवमा लक्ष्मी चुडाल र सहकोषाध्यक्षमा केबी किराँती चयन हुनुभएको निर्वाचन समितिका संयोजक युवराज गिरीले जानकारी दिनुभयो ।
साधारणसभाले साहित्यकार चन्द्र मादेन (आन्छन्) को संयोजकत्वमा नौ सदस्यीय सल्लाहकार समिति समेत गठन गरेको छ । समितिको सदस्यमा भरतकुमार गुरुङ, डिल्लीरमण बराल, लेकाली कान्छा, काजीमान गुरुङलगायत रहनुभएको छ ।
करिब एक वर्षअघि स्थापना भएको प्रतिष्ठानको पहिलोपटक साधारणसभा तथा अधिवेशन सम्पन्न गरिएको अध्यक्ष हेल्लोकले बताउनुभयो । साधारणसभाको अवसरमा प्रतिष्ठानले अग्रज साहित्यकार चन्द्र मादेन (आन्छन) र समाजसेवी तथा सङ्गीतकार काजी गुरुङलाई सम्मानसमेत समेत गरिएको छ ।
प्रतिक्रिया