ताप्लेजुङमा सर्पको टोकाइबाट युवतीको मृत्यु 

ताप्लेजुङ, भदौ २ गते । ताप्लेजुङमा सर्पको टोकाइबाट एक जनाको मृत्यु भएको छ । फुङलिङ नगरपालिका–९ सिद्धिडाँडामा सर्पले टोक्दा १९ वर्षीया युना मादेन लिम्बूको मृत्यु भएको हो ।

सोमबार राति करिब ९ बजे घरमा बिरालोले सर्प ल्याएपछि युनाले सर्पलाई घरबाट बाहिर फाल्ने क्रममा सर्पले अचानक टोकेको प्रहरी निरीक्षक तथा सूचना अधिकारी बिन्देश्वर यादवले जानकारी दिनुभयो । उहाँका अनुसार सर्पले टोकेपछि लिम्बूले घरेलु उपचार गर्नुभएको थियो ।

तर, मङ्गलबार बिहान करिब ८ः३० बजे उहाँको मृत्यु भएको प्रहरीले जानिएको छ । सर्पले टोकेपछि तत्काल स्वास्थ्य संस्थामा उपचार गराउनुपर्ने भए पनि घरेलु उपचारमै निर्भर हुँदा उहाँको मृत्यु भएको प्रहरीले जनाएको छ ।