ताप्लेजुङ, असार २९ गते । ताप्लेजुङको मैवाखोला गाउँपालिकामा १८ वर्ष भन्दा कम उमेरका बालबालिकाले मदिरा, चुरोट तथा सुर्तिजन्य सामग्रीको ओसारपसार र बिक्री बितरण गर्न नपाउने भएको छ । गाउँपालिकाले बालबालिका सम्बन्धी बनाएको नियमावलीले यस्तो प्रावधान गरेको हो ।
तयार भएको नियमावली राजपत्रमा प्रकाशित गरी पालिकाले कार्यान्वयनमा ल्याइसकेको छ । बालबालिकाको हकहित र सम्मानसँगै बालबालिकाको बचावट, संरक्षण, विकास र सहभागिता सहितका सर्वोत्तम हितलाई ध्यान राखी नियमावली बनाइएको गाउँपालिका अध्यक्ष विजयप्रकाश वनेमले बताउनुभयो ।
नियमावली अनुसार पालिका क्षेत्रका कुनैपनि विद्यालयको दुईसय मिटर दूरीभित्र बिक्री बितरण र उपभोग गर्न प्रतिबन्ध गरिएको छ । बालबालिकालाई अश्लिल साहित्यसँग सम्बन्धित विषय वा चलचित्र सहित मदिरा, चुरोट र सुर्तिजन्य पदार्थका सामग्रीको प्रचारप्रसारमा प्रयोग गर्न पाइने छैन ।
प्रतिक्रिया