फुङलिङ नगरपालिकाद्वारा आधिकारिक लोगो छनोट 



ताप्लेजुङ, असार १७ गते । ताप्लेजुङको फुङलिङ नगरपालिकाले आफ्नो आधिकारिक प्रतीक चिन्ह (लोगो) छनोट गरेको छ । लोगो निर्माणका लागि आह्वान गरिएको प्रस्तावमध्ये मूल्याङ्कन तथा छनोट सिफारिस समितिको सिफारिसका आधारमा उत्कृष्ट लोगो छनोट गरिएको हो । 

फुङलिङ नगरपालिका–६ निवासी हर्कराज गुरुङले तयार पार्नुभएको लोगो अन्तिम छनोट गरिएको प्रमुख प्रशासकीय अधिकृत महोहनलाल पनेरुले जानकारी दिनुभयो । उहाँका अनुसार उक्त लोगो अब फुङलिङ नगरपालिकाको आधिकारिक प्रतीक चिन्हका रूपमा प्रयोग गरिने छ। लोगोमा फुङलिङ नगरपालिकाको प्राकृतिक, धार्मिक तथा सांस्कृतिक पहिचान झल्किने विभिन्न प्रतीक समेटिएका छन् । 

नगरपालिकाले यस लोगोले स्थानीय पहिचान, प्राकृतिक सम्पदा र समृद्धिको सन्देश प्रवाह गर्ने विश्वास व्यक्त गरेको छ । साथै, लोगो निर्माणकर्तालाई सूचना प्रकाशित भएको मितिले सात दिनभित्र बैङ्क खाता विवरणसहित नगर कार्यपालिकाको कार्यालयमा सम्पर्क गर्न आग्रह गरिएको छ । 

नगरपालिकाका अनुसार २०८३ असार ४ गते प्रकाशित सूचनाअनुसार प्राप्त लोगोहरूलाई मूल्याङ्कन गरी समितिले उत्कृष्ट तीन वटा लोगो सिफारिस गरेको थियो । सोही सिफारिसका आधारमा नगर कार्यपालिकाको गत असार ९ गते बसेको बैठकले लोगो छनोट गरेको हो । 

प्रकाशित मिति : 6:59 pm

पाथीभराबारे तीन भाषामा पुस्तक प्रकाशन

ताप्लेजुङ, मङ्सिर ५ गते । ताप्लेजुङस्थित प्रसिद्ध धार्मिक तीर्थस्थल पाथीभरा

डा. सन्दुक रुइतको उपस्थितिमा सञ्चालन हुने निःशुल्क आँखा शिविर आजबाट सुरु

ताप्लेजुङ, मङ्सिर ५ गते । ताप्लेजुङमा विश्वविख्यात नेत्ररोग विशेषज्ञ डा.

ताप्लेजुङको फङफङदेन झरनामा जारी अलैँची कप : फेदाप फाइनलमा

ताप्लेजुङ, मङ्सिर ५ गते । ताप्लेजुङको मिक्वाखोला गाउँपालिका–४, साँवास्थित फङफङदेन

दोभान–सान्थाक्रा सडक बन्द हुने

ताप्लेजुङ, मङ्सिर ४ गते । ताप्लेजुङको मेरिङ्देन गाउँपालिकामा दोभान बजारदेखि

ताप्लेजुङमा लागूऔषधसहित युवक पक्राउ

ताप्लेजुङ, मङ्सिर ४ गते । ताप्लेजुङमा खैरो हेरोइनजस्तो देखिने लागूऔषधसहित