ताप्लेजुङका तीन स्थानीय तहले बजेट ल्याउँदै



ताप्लेजुङ, असार ९ गते । ताप्लेजुङका तीन स्थानीय तहले मङ्गलबार आगामी आर्थिक बर्ष २०८२-८३ का बजेट ल्याउने भएका छन् । मैवाखोला गाउँपालिका, मेरिङदेन गाउँपालिका र सिरिजङ्घा गाउँपालिकाले बजेट ल्याउने भएका हुन् । 

नीति तथा कार्यक्रम सभामा प्रस्तुत गरेर सभाबाट पारित समेत गरिसकेको मैवाखोला गाउँपालिकाले मङ्गलवार आगामी आवका लागि बजेट प्रस्तुत गर्ने भएको छ । पालिका अध्यक्ष विजयप्रकाश वनेमले नीति तथा कार्यक्रम सभाबाट पारित भइसकेको बताउँदै पालिका अब बजेट ल्याउने अन्तिम तयारीमा रहेको जानकारी दिनुभयो । 

सिरिजङ्गा गाउँपालिकाले सोमबार नीति तथा कार्यक्रम सभामा पेश गरेको छ । नीति तथा कार्यक्रम पारित गरेर सिरिजङ्गाले मङ्गलवार सभामा बजेट प्रस्तुत गर्ने पालिकाका प्रमुख प्रशासकीय अधिकृत डम्बरहादुर आङदेम्बेले जानकारी दिनुभयो । मेरिङदेन गाउँपालिकाले मङ्गलवार नै नीति, कार्यक्रम र बजेट सभामा प्रस्तुत गर्ने भएको छ । पालिकाका प्रमुख प्रशासकीय अधिकृत बिदुर अधिकारीले नीति, कार्यक्रम र बजेटको तयारी अन्तिम चरणमा पुगेको जानकारी दिनुभयो । 

एक नगरपालिका र आठ गाउँपालिका गरि जम्मा नौ स्थानीय तह मध्ये सिदिङ्वा गाउँपालिकाले भने आगामी आवको नीति, कार्यक्रम र बजेट सभामा प्रस्तुत गरिसकेको छ । सिदिङ्वाले आइतबार १९ औँ गाउँसभा अधिवेशनमा आगामी आवको नीति, कार्यक्रम र बजेट पेश गरिसकेको छ ।

बाँकी फुङलिङ नगरपालिका, आठराई त्रिवेणी गाउँपालिका, पाथीभरा याङवरक गाउँपालिका, फक्ताङलुङ गाउँपालिका र मिक्वाखोला गाउँपालिकाले भने बुधबार नीति, कार्यक्रम र बजेट सभामा पेश गर्ने कार्यसूची बनाएका छन् । 

प्रकाशित मिति : 6:06 am

पाथीभराबारे तीन भाषामा पुस्तक प्रकाशन

ताप्लेजुङ, मङ्सिर ५ गते । ताप्लेजुङस्थित प्रसिद्ध धार्मिक तीर्थस्थल पाथीभरा

डा. सन्दुक रुइतको उपस्थितिमा सञ्चालन हुने निःशुल्क आँखा शिविर आजबाट सुरु

ताप्लेजुङ, मङ्सिर ५ गते । ताप्लेजुङमा विश्वविख्यात नेत्ररोग विशेषज्ञ डा.

ताप्लेजुङको फङफङदेन झरनामा जारी अलैँची कप : फेदाप फाइनलमा

ताप्लेजुङ, मङ्सिर ५ गते । ताप्लेजुङको मिक्वाखोला गाउँपालिका–४, साँवास्थित फङफङदेन

दोभान–सान्थाक्रा सडक बन्द हुने

ताप्लेजुङ, मङ्सिर ४ गते । ताप्लेजुङको मेरिङ्देन गाउँपालिकामा दोभान बजारदेखि

ताप्लेजुङमा लागूऔषधसहित युवक पक्राउ

ताप्लेजुङ, मङ्सिर ४ गते । ताप्लेजुङमा खैरो हेरोइनजस्तो देखिने लागूऔषधसहित