ताप्लेजुङ, असार ८ गते । ताप्लेजुङका पत्रकारद्वय चन्द्रबहादुर पन्दाक (प्रयास) र सम्पादक खगेन्द्र अधिकारी पुरस्कृत हुनु भएको छ । सिदिङ्वा गाउँपालिकाले १९ औं गाउँसभा अधिवेशनबाट पन्दाक र अधिकारीलाई पत्रकारिताको माध्यमबाट स्थानीय सरकारलाई थप प्रभावकारी बनाउन भूमिका खेलेको भन्दै पुरस्कृत गरेको हो ।
पन्दाक उज्यालो पोष्ट दैनिकका प्रकाशक साथै गोरखापत्र दैनिक ताप्लेजुङ सम्वाददाता हुनुहुन्छ भने अधिकारी उज्यालो पोष्ट दैनिकका सम्पादक साथै नागरिक दैनिक ताप्लेजुङका सम्वाददाता हुनुहुन्छ । पन्दाक र अधिकारीलाई जनही ५ हजार रुपैयाँ नगद सहित पुरस्कृत गरिएको पालिका अध्यक्ष मानबहादुर राईले जानकारी दिनुभयो ।
उहाँका अनुसार प्रकाशक पन्दाक र सम्पादक अधिकारीलाई गाउँपालिकाले गाउँपालिकाका आधिकांश गतिविधिलाई प्रकाशन तथा प्रसारण गरेर पालिकाको गौरव र सेवा प्रवाह अभिवृद्धिका लागि खोजमूलक तथा समीक्षात्मक पत्रकारितामार्फत यस गाउँपालिकालाई जनउत्तरदायी र सेवाग्राही मैत्री बनाउन भूमिका खेलेको भन्दै पुरस्कृत गरिएको हो ।
गाउँपालिकाले १९ औं गाउँसभा अधिवेशनमार्फत पन्दाक र अधिकारीसहित उत्कृष्ट कर्मचारी, उत्कृष्ट कृषक, उत्कृष्ट पशुपालक, उत्कृष्ट महिला स्वास्थ्य स्वयंसेविका, उत्कृष्ट अङ्क ल्याउने विद्यार्थी र पर्यटन प्रर्वद्धनमा उल्लेखनीय योगदान दिने पर्यटन अभियन्ताहरूलाई समेत पुरस्कृत तथा सम्मान गरिएको गाउँपालिकाका प्रमुख प्रशासकीय अधिकृत प्रमेश सिवाले जानकारी दिनुभयो ।
।
प्रतिक्रिया