सौगत विष्ट
ताप्लेजुङ, असार ४ गते । पाथीभरा याङवरक गाउँपालिकाले वैदेशिक रोजगारीबाट फर्किएका व्यक्तिहरूलाई वेल्डिङ मेसिन वितरण गरेको छ । राष्ट्रिय रोजगार प्रवर्द्धन कार्यक्रम अन्तर्गत गाउँपालिकाले वैदेशिक रोजगारीबाट फर्किएका व्यक्तिहरूलाई स्वरोजगार तथा उद्यमशीलता प्रवर्द्धन गर्ने उद्देश्यले वेल्डिङ मेसिन वितरण गरेको हो ।
गाउँपालिकाका ४ जना उद्यमीलाई व्यवसाय सञ्चालन तथा आत्मनिर्भर बन्न सहयोग पुग्ने उद्देश्यले वेल्डिङ मेसिन हस्तान्तरण गरिएको गाउँपालिकाका अध्यक्ष केशर सुब्बाले बताउनुभयो । उहाँका अनुसार उक्त उपकरणले स्थानीय स्तरमै रोजगारी सिर्जना गर्न तथा विदेशबाट फर्किएका युवाहरूको सीपलाई स्वदेशमै लगानी गरि आफ्नै ठाउँमा आयआर्जन गर्ने अवसर विस्तार हुने अपेक्षा गरिएको छ ।
गाउँपालिकाले आगामी दिनमा समेत स्थानीय उद्यम विकास, सीप उपयोग तथा रोजगार प्रवर्द्धनका कार्यक्रमलाई निरन्तरता दिने जनाएको छ ।
प्रतिक्रिया