ताप्लेजुङ, जेठ २५ गते । रोकिएको निर्माणाधीन केबुलकार परियोजना चाँडो सुरु माग गर्दै ताप्लेजुङमा विकास प्रेमी अगुवाहरूले वृहत् शान्ति ¥याली गरेका छन् । जिल्लामा सञ्चालन तथा निर्माणाधीन विकास आयोजनाहरू साथै रोकिएको केबलकार परियोजनालाई शीघ्र सम्पन्न गराउन सम्बन्धित निकायलाई दबाब दिन विकास प्रेमी अगुवाहरूले वृहत् शान्ति ¥याली निकालेका हुन् ।
ताप्लेजुङका विकास प्रेमी तथा नागरिक अगुवाहरूले निकालेको ¥याली सदरमुकाम फुङलिङस्थित वीरेन्द्रचोकबाट सुरु भएको थियो । आइतबार बिहान ११ बजे प्रारम्भ भएको ¥यालीले बजार परिक्रमण गरि विरेन्द्रचोकमा पुगी कोण सभामा परिणत भएको थियो ।
जिल्लाको समग्र विकाससँग जोडिएका महत्वपूर्ण आयोजनाहरू समयमै सम्पन्न हुनुपर्ने माग राख्दै शान्तिपूर्ण दबाबमूलक ¥याली निकालिएको विकास प्रेमी नागरिक समाजले जनाएको छ । विकास निर्माणका काममा देखिएका ढिलासुस्ती अन्त्य गरी जनताले अपेक्षा गरेका आयोजनाहरू छिटो सम्पन्न गर्न सरकार तथा सम्बन्धित पक्षको ध्यानाकर्षण गराउने उद्देश्यले ¥याली आयोजना गरिएको बताइएको छ ।
कोण सभालाई फुङलिङ नगरपालिकाका मेयर अमिर मादेन सहित विभिन्न व्यक्तित्वहरुले सम्बोधन गर्नुभएको थियो ।
प्रतिक्रिया