मेरिङदेनले रेविज नियन्त्रणका लागि निःशुल्क बन्ध्याकरण शिविर सञ्चालन गर्ने



ताप्लेजुङ, बैशाख १३ गते । ताप्लेजुङको मेरिङदेन गाउँपालिकाले रेविज रोग नियन्त्रणका लागि सामुदायिक तथा घरपालुवा भाले–पोथी कुकुरहरूको निःशुल्क स्थायी बन्ध्याकरण शिविर सञ्चालन गर्ने भएको छ । शिविर वैशाख १८, १९ र २० गते तीन दिनसम्म विभिन्न वडामा सञ्चालन हुने भएको हो ।

गाउँपालिकाका अनुसार वैशाख १८ गते वडा नम्बर १, २ र ३ का कुकुरहरूको बन्ध्याकरण मेरिङदेन गाउँपालिकाको कार्यालय परिसर सान्थाक्रा पन्द्रेणी चौरमा गरिनेछ । यस्तै वैशाख १९ गते वडा नम्बर ४ र ५ का लागि सोही स्थानमा शिविर सञ्चालन हुनेछ। वैशाख २० गते वडा नम्बर ६ का कुकुरहरूको बन्ध्याकरण नाल्बु वडा कार्यालयमा गरिने कार्यक्रम तय गरिएको छ ।

गाउँपालिकाले नजिकका कृषक तथा सर्वसाधारणलाई आफ्ना कुकुर आफैंले शिविर स्थलसम्म ल्याउन अनुरोध गरेको छ । गाउँपालिकाले गाउँपालिकाभित्र रेविज रोगको जोखिम न्यूनीकरण गर्न र सामुदायिक कुकुरहरूको व्यवस्थापनलाई प्रभावकारी बनाउन शिविर आयोजना गरिएको जनाएको छ ।

गाउँपालिकाले सबै पशुपालक तथा स्थानीयवासीलाई शिविरको लाभ लिन आग्रह गरेको छ ।

प्रकाशित मिति : 6:25 am

पाथीभराबारे तीन भाषामा पुस्तक प्रकाशन

ताप्लेजुङ, मङ्सिर ५ गते । ताप्लेजुङस्थित प्रसिद्ध धार्मिक तीर्थस्थल पाथीभरा

डा. सन्दुक रुइतको उपस्थितिमा सञ्चालन हुने निःशुल्क आँखा शिविर आजबाट सुरु

ताप्लेजुङ, मङ्सिर ५ गते । ताप्लेजुङमा विश्वविख्यात नेत्ररोग विशेषज्ञ डा.

ताप्लेजुङको फङफङदेन झरनामा जारी अलैँची कप : फेदाप फाइनलमा

ताप्लेजुङ, मङ्सिर ५ गते । ताप्लेजुङको मिक्वाखोला गाउँपालिका–४, साँवास्थित फङफङदेन

दोभान–सान्थाक्रा सडक बन्द हुने

ताप्लेजुङ, मङ्सिर ४ गते । ताप्लेजुङको मेरिङ्देन गाउँपालिकामा दोभान बजारदेखि

ताप्लेजुङमा लागूऔषधसहित युवक पक्राउ

ताप्लेजुङ, मङ्सिर ४ गते । ताप्लेजुङमा खैरो हेरोइनजस्तो देखिने लागूऔषधसहित