पाथीभरा दर्शनको क्रममा बालकको मृत्यु



ताप्लेजुङ, चैत्र ९ गते । पाथीभरा दर्शनको क्रममा बिरामी भएका बालकको उपचारको सिलसिलामा मृत्यु भएको छ । पाँचथरको हिलिहाङ गाउँपालिका २ का स्थानीय हरी श्रेष्ठको करिब ३० महिनाको छोरा सोहन श्रेष्ठको मृत्यु भएको हो ।

३ हजार ७ सय ९४ मिटरको उचाइमा अवस्थित पाथीभराको दर्शन गर्ने क्रममा बालकको स्वास्थ्यमा अचानक समस्या निम्तिएको पारिवारिक श्रोतले जनाएको छ । बालकको स्वास्थ्यमा समस्या देखिएपछि दिउँसो ३ बजे थप उपचारको लागि जिल्ला अस्पतालमा भर्ना गरिएको जिल्ला प्रहरी कार्यालय ताप्लेजुङका प्रमुख, प्रहरी नायव उपरीक्षक ९डिएसपी० वेदप्रसाद गौतमले जानकारी दिनुभयो ।

उहाँका अनुसार अस्पतालमा भर्ना गरि उपचारको क्रम दिउँसो ३ बजेर २० मिनेटमा बालकको मृत्यु भएको चिकित्सकले पुष्टि गरेको प्रहरीको भनाइ छ । मृतक बालकलाई केही समय अगाडिदेखि निमोनियाको समस्याको रहेको पारिवारिक श्रोतको भनाइ रहेको प्रहरीले बताएको छ । बालकलाई सुरुमा वान्ता आउने लगायतको समस्या देखिएको बताइएको छ ।

पाथीभरा क्षेत्रमै लाखबत्ती बालिएको आगोबाट सेकाउने लगायतको कार्यमा व्यस्त हुँदा समयमै उपचार नपाएर बालकको मृत्यु हुन सक्ने अनुमान गरिएको बताइएको छ । बालकको शव पोष्टमार्टमका लागि जिल्ला अस्पताल ताप्लेजुङको शव गृहमा राखिएको छ ।


उच्च हिमाली क्षेत्रमा प्रस्थान गर्दा वान्ता हुने लगायतका समस्या देखिए तत्काल कम उचाइ भएको क्षेत्रमा बिरामीलाई झार्दा मृत्यु हुने सम्भावना कम हुने चिकित्सकको भनाइ छ ।

प्रकाशित मिति : 7:06 pm

पाथीभराबारे तीन भाषामा पुस्तक प्रकाशन

ताप्लेजुङ, मङ्सिर ५ गते । ताप्लेजुङस्थित प्रसिद्ध धार्मिक तीर्थस्थल पाथीभरा

डा. सन्दुक रुइतको उपस्थितिमा सञ्चालन हुने निःशुल्क आँखा शिविर आजबाट सुरु

ताप्लेजुङ, मङ्सिर ५ गते । ताप्लेजुङमा विश्वविख्यात नेत्ररोग विशेषज्ञ डा.

ताप्लेजुङको फङफङदेन झरनामा जारी अलैँची कप : फेदाप फाइनलमा

ताप्लेजुङ, मङ्सिर ५ गते । ताप्लेजुङको मिक्वाखोला गाउँपालिका–४, साँवास्थित फङफङदेन

दोभान–सान्थाक्रा सडक बन्द हुने

ताप्लेजुङ, मङ्सिर ४ गते । ताप्लेजुङको मेरिङ्देन गाउँपालिकामा दोभान बजारदेखि

ताप्लेजुङमा लागूऔषधसहित युवक पक्राउ

ताप्लेजुङ, मङ्सिर ४ गते । ताप्लेजुङमा खैरो हेरोइनजस्तो देखिने लागूऔषधसहित