ताप्लेजुङमा नेकपा एमालेका क्षितिज थेवे विजयी



ताप्लेजुङ, फागुन २३ गते । ताप्लेजुङमा नेकपा एमालेका उम्मेद्वार क्षितिज थेवे विजयी हुनु भएको छ । नेपाली काँग्रेसका उम्मेद्वार गजेन्द्र प्रसाद तुम्याहाङ लिम्बूलाई फराकिलो मतान्तरले पराजित गर्दै थेवे विजयी हुनु भएको हो ।

थेवेले १३ हजार ९८२ मत प्राप्त गर्नुभएको छ भने तुम्याहाङले ११ हजार ७११ मत प्राप्त गर्नू भएको मुख्य निर्वाचन अधिकृतको कार्यालयका मुख्य निर्वाचन अधिकृत तथा जिल्ला अदालत ताप्लेजुङका न्यायाधीश विकास श्रेष्ठले बताउनुभयो । उहाँका अनुसार थेवे र तुम्याहाङबीचको मतान्तर दुई हजार २५१ रहेको छ ।

प्रतिनिधिसभा सदस्यका लागि ताप्लेजुङबाट चुनावी मैदानमा होमिएका १३ जना उम्मेदवारलाई पछि पार्दै थेवेले संसदीय यात्रा तय गर्नु भएको हो । थेवे र तुम्याहाङ दुवै जना पहिलो पटक चुनावी प्रतिष्पर्धामा होमिनु भएको हो । ताप्लेजुङमा नेपाली कम्युनिष्ट पार्टीका उम्मेद्वार खेलप्रसाद बुडाक्षेत्री पराग छ हजार ७७५ मत प्राप्त गर्नू भएको छ । २०७९ सालको निर्वाचनमा २०८ को झिनो मतान्तरले एमाले उपमहासचिव योगेश भट्टराईसँग पराजित हुनु भएको पराग पुन दोश्रो पटक चुनावी प्रतिष्पर्धामा होमिनु भएको हो ।

देशका अधिकांश स्थानमा राष्ट्रिय स्वतन्त्र पार्टीका उम्मेदवारले अग्रता कायम गरेपनि ताप्लेजुङमा पाँचौँ स्थानमा मात्र आएको छ । रास्वपाका उम्मेद्वार विरेन्द्र श्रेष्ठले ४ हजार १५५ मत प्राप्त गर्नु भएको छ । यस्तै श्रम संस्कृति पार्टीका उम्मेद्वार सन्तोष राईले पाँच हजार २०९ मत प्राप्त गरेर चौथो स्थानमा रहनु भएको छ ।

९० हजार ३ सय २७ जना मतदाता रहेको ताप्लेजुङमा ४६ हजार ४ सय ७४ जनाले मत खसालेका थिए । कुल खसेका मतमध्ये दुई हजार ६८६ मत बदर भएको मुख्य निर्वाचन अधिकृतको कार्यालयले जनाएको छ । ६१ ओटा वडा रहेको ताप्लेजुङमा ८० ओटा मतदान स्थलमा १ सय २७ ओटा मतदान केन्द्रबाट मतदाताले मताधिकार प्रयोग गरेका हुन् ।

प्रकाशित मिति : 9:15 pm

पाथीभराबारे तीन भाषामा पुस्तक प्रकाशन

ताप्लेजुङ, मङ्सिर ५ गते । ताप्लेजुङस्थित प्रसिद्ध धार्मिक तीर्थस्थल पाथीभरा

डा. सन्दुक रुइतको उपस्थितिमा सञ्चालन हुने निःशुल्क आँखा शिविर आजबाट सुरु

ताप्लेजुङ, मङ्सिर ५ गते । ताप्लेजुङमा विश्वविख्यात नेत्ररोग विशेषज्ञ डा.

ताप्लेजुङको फङफङदेन झरनामा जारी अलैँची कप : फेदाप फाइनलमा

ताप्लेजुङ, मङ्सिर ५ गते । ताप्लेजुङको मिक्वाखोला गाउँपालिका–४, साँवास्थित फङफङदेन

दोभान–सान्थाक्रा सडक बन्द हुने

ताप्लेजुङ, मङ्सिर ४ गते । ताप्लेजुङको मेरिङ्देन गाउँपालिकामा दोभान बजारदेखि

ताप्लेजुङमा लागूऔषधसहित युवक पक्राउ

ताप्लेजुङ, मङ्सिर ४ गते । ताप्लेजुङमा खैरो हेरोइनजस्तो देखिने लागूऔषधसहित