ताप्लेजुङ, फागुन २२ गते । ताप्लेजुङमा मतगणना सुरु भएको छ । सिरिजङ्घा गाउँपालिकाको वडा नं. ५ पेदाङ र वडा नं ७ खेवाङबाट मत गरणना सुरु गरिएको हो ।
वडा नं. ५ पेदाङ नेपाली कम्युनिस्ट पार्टीका उम्मेदवार खेलप्रसाद बुढाक्षेत्री र वडा नं. ७ नेपाली काङ्ग्रेसका उममेदवार गजेन्द्र प्रसाद तुम्याहाङको गृह वडा हो । दिउँसो १ बजेदेखि मतगणना सुरु हुने भनिए पनि २ बजेबाट सुरु भएको हो ।
ताप्लेजुङमा ५१ प्रतिशत मत खसेको छ । कुल ४६ हजार ४७४ मत खसेकोमा २५ हजार ३९९ पुरुष र २१ हजार ७५ महिला रहेको मुख्य निर्वाचन अधिकृत विकास श्रेष्ठले जानकारी दिनुभयो ।
जिल्लामा कुल ९० हजार ३२७ मतदाता रहेका थिए । ८० मतदान स्थल अन्तर्गत १ सय २७ मतदान केन्द्र तोकिएका थिए ।
प्रतिक्रिया