ताप्लेजुङका ४ केन्द्रको मतपेटिका सङ्कलनका लागि हेलिकोप्टर प्रस्थान



ताप्लेजुङ, फागुन २२ गते । ताप्लेजुङको हिमाली बस्ती फक्ताङलुङ गाउँपालिकाका छ नम्बर वडा घुन्सा आधारभुत विद्यालय र ग्याब्ला प्रावि तथा सात नम्बर वडाको ओलाङचुङगोला र जिल्लाको सबैभन्दा उच्च हिमाली बस्ती याङमा आधारभुत विद्यालयको मतपेटिका सङ्कलनका लागि हेलिकोप्टर प्रस्थान छ । उक्त चार स्थानका मतपेटिका सङ्कलनको लागि हेलिकप्टर हिजो नै ताप्लेजुङ आइसकेको थियो ।

साँझ पाँच बजेपछि हेलिकप्टर प्रस्थान गर्ने तयारी गरेपनि अकस्मात् मौसममा आएको परिवर्तनका कारण सम्भव हुन नसकेको प्रमुख जिल्ला अधिकारी शिवराज सेढाइँले जानकारी दिनुभयो । उहाँका अनुसार अहिले बिहान हेलिकप्टर मतपेटिका ढुवानीका लागि प्रस्थान गरेको हो । ती चारओटा स्थानको मतपेटिका हेलिकप्टरबाट सम्भव नभए बोकेर ल्याउन करिब दुई दिन लाग्ने बताइएको छ ।

यता एक सय २३ ओटा मतदान केन्द्रको मतपेटिका भने सङ्कलन भइसकेको छ । एक सय २७ ओटा मतदान केन्द्र रहेको ताप्लेजुङका एक सय २३ ओटा मतदान केन्द्रको मतपेटिका सङ्कलन भइसकेको हो ।

मुख्य निर्वाचन अधिकृत विकास श्रेष्ठका अनुसार आज बिहान करिब तीन बजेसम्ममा चार ओटा केन्द्रका बाहेक सबै ठाउँका मतपेटिका आइसकेको हो । सबै ठाउँको मतपेटिका सङ्कलन भइसकेपछि मात्र सर्वदलीय बैठक बसेर मतगणनाको कार्य सुरु गरिने मुख्य निर्वाचन अधिकृत श्रेष्ठको भनाइ छ ।

हिमाली बस्तीको चार ओटा स्थान यातायातको पहुँचदेखि टाढा रहेकोले मतपेटिका सङ्कलनमा ढिलाइ भएको हो ।

प्रकाशित मिति : 7:39 am

पाथीभराबारे तीन भाषामा पुस्तक प्रकाशन

ताप्लेजुङ, मङ्सिर ५ गते । ताप्लेजुङस्थित प्रसिद्ध धार्मिक तीर्थस्थल पाथीभरा

डा. सन्दुक रुइतको उपस्थितिमा सञ्चालन हुने निःशुल्क आँखा शिविर आजबाट सुरु

ताप्लेजुङ, मङ्सिर ५ गते । ताप्लेजुङमा विश्वविख्यात नेत्ररोग विशेषज्ञ डा.

ताप्लेजुङको फङफङदेन झरनामा जारी अलैँची कप : फेदाप फाइनलमा

ताप्लेजुङ, मङ्सिर ५ गते । ताप्लेजुङको मिक्वाखोला गाउँपालिका–४, साँवास्थित फङफङदेन

दोभान–सान्थाक्रा सडक बन्द हुने

ताप्लेजुङ, मङ्सिर ४ गते । ताप्लेजुङको मेरिङ्देन गाउँपालिकामा दोभान बजारदेखि

ताप्लेजुङमा लागूऔषधसहित युवक पक्राउ

ताप्लेजुङ, मङ्सिर ४ गते । ताप्लेजुङमा खैरो हेरोइनजस्तो देखिने लागूऔषधसहित