समाजसेवी लिम्बूद्वारा सिबु आधारभूत विद्यालयका विद्यार्थीहरूलाई न्यानो कपडा वितरण

ताप्लेजुङ, माघ १९ गते । फक्ताङलुङ गाउँपालिकाको श्री सिबु आधारभूत विद्यालयका विद्यार्थीहरूलाई न्यानो कपडा वितरण गरिएको छ । समाजसेवी तथा नियान्स कन्सट्रकसन प्रालिका प्रोपराईटर निशान लिम्बू (कुमार) ले फक्ताङलुङ गाउँपालिका–२ खेजेनिमस्थित श्री सिबु आधारभूत विद्यालयका विद्यार्थीहरूलाई न्यानो कपडा वितरण गर्नुभएको हो ।

समाजसेवी लिम्बूले ६० जना विद्यार्थीहरूलाई न्यानो कपडा वितरण गर्नु भएको श्री सिबु आधारभूत विद्यालयले जनाएको छ । यो जाडो याममा विद्यार्थीहरूलाई केही राहत मिलोस् भन्ने उद्देश्यले न्यानो कपडा वितरण गरेको समाजसेवी लिम्बूको भनाई छ ।

यस्तै विद्यार्थीहरूलाई न्यानो कपडा वितरण गरी सहयोग गर्नुभएकोमा समाजसेवी लिम्बूलाई विद्यालय परिवारले धन्यवाद ज्ञापन गरेको छ ।