प्रतिनिधिसभा निर्वाचन : नेपाली कम्युनिष्ट पार्टी ताप्लेजुङद्वारा बुडाक्षेत्रीको एकल नाम सिफारिस



ताप्लेजुङ, पुस ११ गते । नेपाली कम्युनिष्ट पार्टी ताप्लेजुङले आगामी फागुन २१ गते हुने निर्वाचनका लागि प्रत्यक्षतर्फ खेलप्रसाद बुडाक्षेत्री परागको एकल नाम सिफारिस गरेको छ । शुक्रबार बसेको नेकपाको पूर्ण बैठकले प्रत्यक्ष तर्फ नेपाली कम्युनिष्ट पार्टीका केन्द्रीय नेता परागको एकल नाम सिफारिस गरेको हो । 

मेरिङदेन गाउँपालिकाका उपाध्यक्ष समेत रहनु भएका दुर्गाहाङ श्रेङचोङबाङको अध्यक्षतामा बसेको बैठकले प्रत्यक्ष, समानुपातिक र राष्ट्रिय सभा तर्फको उम्मेद्वार सर्वसम्मत रुपमा सिफारिस गरेको नेपाली कम्युनिष्ट पार्टीका नेता विष्णु कुमार हाङबाङले बताउनुभयो । पराग यसअघिको प्रतिनिधिसभाको निर्वाचनमा नेपाली काङ्ग्रेस र माओवादी केन्द्रको गठबन्धनतर्फको साझा उम्मेद्वार रहनु भएको थियो । 

उहाँ नेकपा एमालेको उम्मेद्वार योगेश भट्टराईसँग २ सय ८ मतले पराजित हुनु भएको थियो । परागलाई नै पुन आगामी फागुन २१ को निर्वाचनमा प्रत्यक्ष तर्फको उम्मेदवारमा दोहो¥याउने निर्णय गरिएको नेपाली कम्युनिष्ट पार्टी ताप्लेजुङले जनाएको छ । पार्टीका अनुसार समानुपातिक तर्फ आदिवासी जनजातिबाट रामचन्द्र पोमु (आरसी), अल्पसंख्यकबाट दावछिरिङ शेर्पा ९बिशालु०, महिलाबाट कल्पना तुम्बाहाङफे र खुल्लाबाट असिम लिम्बूलाई सर्वसम्मत सिफारिस गर्ने निर्णय गरिएको हाङबाङको भनाई छ । 

यस्तै राष्ट्रिय सभाका लागि खुल्लाबाट पर्शु कार्की र दलितबाट नेत्र नेपालीलाई सर्वसम्मत नै सिफारिस गरिएको छ । फागुन २१ का लागि अधिकांश दलले उम्मेद्वार सिफारिस गर्ने कार्य जारी राखेका छन् । यसअघि नेपाली काँग्रेस, नेकपा एमाले, राष्ट्रिय स्वतन्त्र पार्टी लगायतका दलले उम्मेद्वार सिफारिस गरि सकेका छन् । 

विभिन्न १६ ओटा दलहरूको एकतामार्फत गठित नेपाली कम्युनिष्ट पार्टीले पछिल्लो समयमा एकता सन्देश सभाको कार्यक्रमलाई समेत तिव्रता दिएका छन् । 

प्रकाशित मिति : 6:44 pm

पाथीभराबारे तीन भाषामा पुस्तक प्रकाशन

ताप्लेजुङ, मङ्सिर ५ गते । ताप्लेजुङस्थित प्रसिद्ध धार्मिक तीर्थस्थल पाथीभरा

डा. सन्दुक रुइतको उपस्थितिमा सञ्चालन हुने निःशुल्क आँखा शिविर आजबाट सुरु

ताप्लेजुङ, मङ्सिर ५ गते । ताप्लेजुङमा विश्वविख्यात नेत्ररोग विशेषज्ञ डा.

ताप्लेजुङको फङफङदेन झरनामा जारी अलैँची कप : फेदाप फाइनलमा

ताप्लेजुङ, मङ्सिर ५ गते । ताप्लेजुङको मिक्वाखोला गाउँपालिका–४, साँवास्थित फङफङदेन

दोभान–सान्थाक्रा सडक बन्द हुने

ताप्लेजुङ, मङ्सिर ४ गते । ताप्लेजुङको मेरिङ्देन गाउँपालिकामा दोभान बजारदेखि

ताप्लेजुङमा लागूऔषधसहित युवक पक्राउ

ताप्लेजुङ, मङ्सिर ४ गते । ताप्लेजुङमा खैरो हेरोइनजस्तो देखिने लागूऔषधसहित