ताप्लेजुङ, मंसिर १५ गते । ताप्लेजुङको मेरिङदेन गाउँपालिका–५ थुकिमामा आयोजित दोस्रो साङधुङगे माङ्गेन कप दोस्रो संस्करणमा आज चार खेल हुने भएको छ । लिम्बूहरूको महान चाड चासोक तङ्नामको अवसरमा सञ्चालन भएको वडा स्तरीय पुरुष फुटबल प्रतियोगितामा आज चार खेल हुने भएको हो ।
आज हुने पहिलो खेलमा लिबाङ र फुङलिङ नगरपालिका बिच भिडन्त हुँदैछ । दोस्रो खेलमा खाम्लुङ र खेजेनिमबिच प्रतिस्पर्धा हुने खेल संयोजक घनेन्द्र लङ्वाले जानकारी दिनुभयो । यस्तै तेस्रो खेलमा नल्बु र खैवाखोला–३ साँघु, चौथो खेलमा लिङ्तेम र हाङ्पाङ बिच प्रतिस्पर्धा हुने छ ।
हिजो भएको खेलमा हाङपाङ, फुरुम्बु, सान्थाक्रा र आयोजक विजयी भएका छन् । जसमा पहिलो खेलमा हाङपाङले लिङखिमलाई २–१ गोल अन्तरले पराजित गरेको छ । दोस्रो खेलमा फुरुम्बुले आठराई त्रिवेणी–४ चाँगेलाई पराजित गरको छ । यस्तै तेस्रो खेलमा सान्थाक्राले सिकैँचालाई १–० गोले पराजित गरेको छ । चौथो यानकी आजको अन्तिम खेलमा आयोजकले साँवालाई २–० गोलले पराजित गरेको हो ।
चासोक तङनाम थुकिमा मूल सञ्चालन समितिको आयोजनामा सञ्चालन भएको प्रतियोगिताको विजेताले नगद एक लाख ५० हजार रुपैयाँ सहित ट्रफी, मेडल र प्रमाण पत्र प्राप्त गर्ने छन् भने दोस्रो हुनेले नगद एक लाख सहित ट्रफी, मेडल र प्रमाण पत्र प्राप्त गर्ने समितिका अध्यक्ष विशाल लङ्वाले बताउँनुभयो । उहाँका अनुसार खेल साथै विविध सांस्कृतिक कार्यक्रम पनि सञ्चालन हुने छ ।
प्रतिक्रिया