अन्तराष्ट्रिय आमन्त्रण सिरिजङ्गा गोल्ड कपको खेल तालिका सार्वजनिक 



ताप्लेजुङ, मंसिर १३ गते । अन्तराष्ट्रिय आमन्त्रण सिरिजङ्गा गोल्ड कप फुटबल प्रतियोगिताको खेल तालिका सार्वजनिक भएको छ । शनिबार पत्रकार सम्मेलन मार्फत ताप्लेजुङको सिरिजङ्गा गाउँपालिका वडा नं. ४ तेल्लोकमा सञ्चालन हुने गोल्डकपको खेल तालिका सार्वजनिक भएको हो । 

प्रतियोगितामा मंसिर २३ गते उद्घाटनको दिन आयोजक तेल्लोक स्पोर्टिङ क्लब र रेड हर्स एफ.सि. इलामबिच प्रतिष्पर्धा हुने तेल्लोक स्पोर्टिङ क्लबका अध्यक्ष अर्जुन भट्टराईले जानकारी दिनुभयो । उहाँका अनुसार मंसिर २४ गते न्यु स्टार क्लब बिर्तामोड, झापाको वाइवाई पाँचथचर एफ.सि. ले सामना गर्ने भएको छ ।

यस्तै मंसिर २७ गते विदेशी टिम पारिजात सङ्घ एफ.सि. भारत र मरिक एफ.सि. धरानबिच प्रतिस्पर्धा हुने छ भने मंसिर २८ गते अन्तिम क्वाटरफाइनमा सागुरिगढि एफ.सि. धनकुटा र म्याङ्लुङ स्पोर्टिङ युवा क्लबको प्रतिस्पर्धा हुने छ । 

तेल्लोक स्पोर्टिङ क्लबको आयोजनामा किराँत लिम्बू लिपिका प्रचारक, सिरिजङ्गा लिपि र याक्थुङ संस्कृतिका प्रणेता सिरिजङ्गा सिंह थेबेको जन्म जयन्तीको अवसर पारेर सिरिजङ्गा मेला सहित अन्तराष्ट्रिय आमन्त्रण गोल्डकप सञ्चालन गर्न लागिएको क्लबका अध्यक्ष अर्जुन भट्टराईले बताउनुभयो । 

प्रतियोगिताको विजेताले नगद ३ लाख ३ सय २१ रुपियाँका साथ ट्रफी, मेडल र प्रमाण पत्र पाउने छ । उपविजेताले एक लाख ५० हजार ३ सय २१ रुपियाँ सहित ट्रफी, मेडल र प्रमाण पत्र पाउने छन् । 

प्रतियोगितामा विधागत पुरस्कारको पनि व्यवस्था गरिएको अध्यक्ष भट्टराईले जानकारी दिनुभयो । उहाँका अनुसार सर्वोत्कृष्ट खेलाडीलाई नगद १० हजार रुपियाँ, सर्वाधिक गोलकर्ता, उत्कृष्ट गोल रक्षक, उत्कृष्ट डिफेन्डर र उत्कृष्ट मिडफिल्डरलाई समान ५–५ हाजार रुपियाँ सहित ट्रफी, मेडल र प्रमाण पत्रको व्यवस्था गरिएको छ । 

फुटबल प्रतियोगिता सँगै सांस्कृतिक कार्य कार्यक्रम पनि सञ्चालन हुने छ । कार्यक्रम सम्पन्न गर्न करिब ४१ लाख रुपियाँ खच हुने अनुमान गरिएको आयोजकको भनाई छ ।

खेलकुदको माध्यमबाट ताप्लेजुङको सिरिजङ्गा गाउँपालिका र तेल्लोकको पहिचान स्थापित गर्नुका साथै यहाँका धार्मिक तथा पर्यटकीय स्थलहरूको प्रचार प्रचार गर्ने उद्देश्यका साथ कार्यक्रम सञ्चालन गर्न लागिएको बताइएको छ । 

पाचौँ संस्करण मानिएको गोल्ड कप गत वर्षबाट अन्तराष्ट्रिय आमन्त्रण फुटबल प्रतियोगिता सुरु भएको हो । 

 

प्रकाशित मिति : 11:29 am

अन्तराष्ट्रिय आमन्त्रण सिरिजङ्गा गोल्ड कपको खेल तालिका सार्वजनिक 

ताप्लेजुङ, मंसिर १३ गते । अन्तराष्ट्रिय आमन्त्रण सिरिजङ्गा गोल्ड कप

कञ्चनजङ्घा सेसेलुङ महिला गोल्डकप प्रतियोगिता आजबाट

ताप्लेजुङ, मङ्सिर १३ गते । कञ्चनजङ्घा सेसेलुङ महिला गोल्डकप प्रतियोगिता

भन्ज्याङ बजारमा आगलागी हुँदा ५० लाख बढीको क्षति

ताप्लेजुङ, मंसिर १३ गते । ताप्लेजुङको सिदिङ्वा गाउँपालिका–४ भन्ज्याङ बजारमा

ताप्लेजुङको साब्लाखु भन्ज्याङ बजारमा आगलागी

ताप्लेजुङ, मंसिर १२ गते । ताप्लेजुङको सिदिङवा गाउँपालिकाको केन्द्र साब्लाखु

ताप्लेजुङबाट सर्वसम्मत रुपमा एमालेको प्रतिनिधि चयन

ताप्लेजुङ, मंसिर १२ गते । नेकपा एमालेको ११ औँ राष्ट्रिय