ताप्लेजुङ, मंसिर ११ गते । दोश्रो फङ्फङदेन झरना पर्यटन तथा सांस्कृतिक मेलामा आयोजित अन्तर क्लबस्तरीय आमन्त्रित पुरुष फुटबल प्रतियोगिताको उपाधि पाँचथरको गणेश चोकले हात पारेको छ । विहीबार भएको फाइनल खेलमा हिमाली तोक्पेगोला युथ क्लबलाई १–० गोल अन्तरले पराजित गर्दै गणेश चोकले उपाधि हात पारेको हो ।
ताप्लेजुङको मिक्वाखोला–४, साँवाको तेम्बा बजारमा आयोजना भएको पर्यटन तथा सांस्कृतिक मेला अन्तर्गत आमन्त्रित पुरुष फुटबल प्रतियोगितामा गणेश चोकले ग्रीन भ्याली मेरिङदेन नाल्बुलाई ३–१ ले पराजित गर्दै फाइनलमा प्रवेश गरेको थियो । यस्तै हिमाली तोक्मेगोला युथ क्लबले रेड डेभिल्स इलामलाई ४–२ ले पराजित गर्दै फाइनलमा स्थान बनाएको हो ।
उपाधि सँगै गणेश चोकले नगद ३ लाख २ हजार ८२ रुपियाँ बराबरको अलैँची प्राप्त गरेको छ । यस्तै उपविजेता तोक्पेगोला युथ क्लबले १ लाख ५० हजार ८२ रुपियाँ बराबरको अलैँची प्राप्त गरेको छ ।
गत मंसिर ७ गतेदेखि स्थानीय उत्पादन र पर्यटन प्रवर्द्धन गर्ने लक्ष्यसहित आयोजना गरिएको मेला बिहीबार सम्पन्न भएको हो ।
प्रतिक्रिया