जेनजी–जेट रेड फोर्स ताप्लेजुङको संयोजकमा रोशन साउदेन

ताप्लेजुङ, मंसिर ९ गते । जेनजी–जेट रेड फोर्स ताप्लेजुङको संयोजकमा रोशन साउदेन चयन हुनुभएको छ । मङ्गलबार केन्द्रीय संयोजक स्मृति तिमल्सिनाको उपस्थितिमा भएको भेलाबाट साउदेनको नेतृत्वमा फोर्स गठन गरिएको हो । फोर्सको सहसंयोजकमा फुकुटी शेर्पा, प्रवक्तामा समिर तिवारी लगायत २१ सदस्यीय फोर्स चयन हो । 

यस्तै भेलाले कोशी प्रदेशको सह–संयोजकमा लागेन लिम्बू र सदस्य सुमन बयलकोटीलाई चयन गरेको छ । जिल्ला सँगै अब पालिकामा पनि फोर्स गठन गरिने भएको छ । जेनजी–जेट रेड फोर्स हाल देशभर गठन भइरहेको छ । गत भदौ २३ र २४ गतेको आन्दोलनपछि जेनजीका विभिन्न समूहहरू गठन भईरहेका छन् । 

यसअघि नै गोपाल गुरागाँईको नेतृत्व समेत जिल्ला स्तरीय समुह गठन भएको छ । ती समुहले जिल्लाका अधिकांश समस्याहरूको समाधानका लागि प्रमुख जिल्ला अधिकारी मार्फत सरकारको ध्यानाकर्षण गराइ रहेका छन् ।