ताप्लेजुङ, मंसिर ८ गते । ताप्लेजुङको मेरिङदेन गाउँपालिका–१ थिङ्लाबूको श्री सिन्धकाली आधारभूत विद्यालयमा इन्टरलक टाइल र पेन्सिल सिलालेख स्तम्भको उद्घाटन गरिएको छ । विभिन्न दाताहरूको सहयोगमा निर्माण सम्पन्न भएको टाइल र स्तम्भको उद्घाटन गरिएको हो ।
६ लाख ६४ हजार रुपियाँमा टाइल र स्तम्भको निर्माण कार्य सम्पन्न भएको विद्यालयका प्रधानाध्यापक सन्त कुमार चोङ्बाङले जानकारी दिनुभयो । उहाँका अनुसार उक्त टाइल र स्तम्भ निर्माण गर्नका लागि स्वा. बुबा मुखिया एभेङ र आमा बृखमति नयोङ एभेङको स्मृतिमा छोरा शमशेर एभेङले एक लाख ६ हजार २०० रुपियाँ सहयोग गर्नुभएको छ ।
स्वा. बुबा जस बहादुर खेवाको स्मृतिमा छोरा टङ्क प्रसाद खेवाले एक लाख ६ हजार २०० र स्वा. लाल बहादुर एभेङ र दिलमाया लिम्बूको स्मृतिमा छोरा चन्द्रमान एभेङले एक लाख ५ रुपियाँ सहयोग गर्नु भएको छ । यस्तै स्वा. बुबा मैत बहादुर एभेङ र आमा सुख रानी लिम्बूको स्मृतिमा छोरा टेक बहादुर एभेङले एक लाख रुपियाँ र स्वा. श्रीमान रनहाङ चोङबाङक्याक र दिदी बसन्ती चोङबाङक्याकको स्मृतिमा श्रीमती चित्रमाया वनेम चोङबाङक्याकले एक लाख रुपियाँ सहयोग गर्नुभएको प्रधानाध्यापक लिम्बूको भनाई छ ।
साथै सिर्जना योङहाङले २५ हजार रुपियाँ र धनहाङ ओख्राबूले २१ हजार २४० रुपियाँ गरी जम्मा ५ लाख ८६ हजार ४५ रुपियाँ सहयोग रकम उपलब्ध भएको र बाँकी ४७ हजार ७५५ रुपियाँ विद्यालयबाट गरी जम्मा ६ लाख ६४ हजार रुपियाँमा निर्माण कार्य सम्पन्न भएको प्रधानाध्यापक लिम्बूले बताउनुभयो ।
सोमबार सम्पन्न भएको उद्घाटन समारोह बेलायत निवासी जगत चोङबाङक्याकको प्रमुख आतिथ्यतामा सम्पन्न भएको हो । यस्तै कार्यक्रममा मेरिङदेन गाउँपालिका शिक्षा शाखा संयोजक तेज कुमार चोङबाङ र मेरिङदेन गाउँपालिका–१ का वडा अध्यक्ष सविन चोङबाङको उपस्थिति रहेको थियो ।
यस्तै उद्घाटन समारोहका लागि स्वा.लाल बहादुर एभेङको स्मृतिमा चन्द्र मान एभेङको परिवारबाट ४५ हजार रुपियाँ बराबरको खाजा उपलब्ध भएको छ ।
प्रतिक्रिया