फक्ताङलुङ गाउँपालिकाले अपाङ्गता रोकथाम तथा पुनः स्थापना कार्यक्रम गर्ने



ताप्लेजुङ । ताप्लेजुङको फक्ताङलुङ गाउँपालिकामा अपाङ्गता रोकथाम तथा पुनः स्थापना कार्यक्रम सञ्चालन गर्न पालिका र करुणा फाउण्डेशन बिच सम्झौता भएको छ । उक्त कार्यक्रम सञ्चालन गर्न फक्ताङलुङ गाउँपालिका र करुणा फाउन्डेसन नेपालबिच सोमबार सम्झौता भएको हो ।

पालिका अध्यक्ष राजन लिम्बु (मुक्ति) र करुणा फाउन्डेसन नेपालकी वरिष्ठ कार्यक्रम व्यवस्थापक रुपा सिवाकोटीले सम्झौता पत्रमा हस्ताक्षर गर्नुभएको छ । अपाङ्गता रोकथाम तथा पुनः स्थापना कार्यक्रम आगामी साउन महिनादेखि सुरु भएर २०८४ साल असार मसान्तसम्म सञ्चालन हुने सम्झौतामा उल्लेख रहेको जनाईएको छ ।

कार्यक्रमका लागि कोशी प्रदेश सरकार, सामाजिक विकास मन्त्रालय र गाउँपालिकाको लागत साझेदारी हुने र पछिल्लो एक वर्ष भने प्रदेश सरकार र पालिकाले सञ्चालन गर्नेछ भने करुणा फाउन्डेसन नेपालले भने प्राविधिक सहयोग गर्ने छ । कार्यक्रमका लागि आगामी आर्थिक वर्ष २०८१/०८२ मा ४६ लाख १८ हजार ९५० रुपियाँ खर्च गरिने छ ।

उक्त कुल बजेटमध्ये गाउँपालिका, सामाजिक विकास मन्त्रालय र करुणा फाउन्डेसनको समान १५ लाख ३९ हजार ६५० रुपैँया रहेको छ । अपाङ्गता रोकथाम र पुनःस्थापनामा आधारित विभिन्न क्रियाकलापमा बजेट खर्च हुने पनि गाउँपालिका अध्यक्ष लिम्बुले बताउनुभयो ।

प्रकाशित मिति : 1:00 pm

ताप्लेजुङमा सुविधासम्पन्न आँखा शल्यक्रिया कक्ष

ताप्लेजुङ, मङ्सिर ५ गते । ताप्लेजुङको डिचेन डोङ्गला स्मारक आँखा

पाथीभराबारे तीन भाषामा पुस्तक प्रकाशन

ताप्लेजुङ, मङ्सिर ५ गते । ताप्लेजुङस्थित प्रसिद्ध धार्मिक तीर्थस्थल पाथीभरा

डा. सन्दुक रुइतको उपस्थितिमा सञ्चालन हुने निःशुल्क आँखा शिविर आजबाट सुरु

ताप्लेजुङ, मङ्सिर ५ गते । ताप्लेजुङमा विश्वविख्यात नेत्ररोग विशेषज्ञ डा.

ताप्लेजुङको फङफङदेन झरनामा जारी अलैँची कप : फेदाप फाइनलमा

ताप्लेजुङ, मङ्सिर ५ गते । ताप्लेजुङको मिक्वाखोला गाउँपालिका–४, साँवास्थित फङफङदेन

दोभान–सान्थाक्रा सडक बन्द हुने

ताप्लेजुङ, मङ्सिर ४ गते । ताप्लेजुङको मेरिङ्देन गाउँपालिकामा दोभान बजारदेखि