ताप्लेजुङमा २५ स्थायी शिक्षकलाई विभिन्न स्थानीय तहमा पदस्थापन



ताप्लेजुङ । ताप्लेजुङमा पच्चीस जना स्थायी शिक्षकलाई विभिन्न स्थानीय तहमा पदस्थापन गरिएको छ । जिल्लास्थित शिक्षा विकास तथा समन्वय इकाईले शिक्षा विकास निर्देशनालय धनकुटाबाट सिफारिस भएर आएका निम्न माध्यमिक तहका शिक्षकलाई विभिन्न स्थानीय तहमा पदस्थापन गरेको हो ।

शिक्षा विकास तथा समन्वय इकाई ताप्लेजुङका प्रमुख योगेश्वर भट्टराईका अनुसार स्थायी शिक्षकका लागि शिक्षक सेवा आयोगले लिएको परीक्षा उत्तीर्ण गरी सिफारिस भएका शिक्षकलाई पदस्थापन गरिएको हो ।

ताप्लेजुङका लागि सिफारिस भएर आएका शिक्षक आफैँले रोजेको र योग्यता क्रमका आधारमा उहाँहरूलाई विभिन्न स्थानीय तहमा पदस्थापन गरिएको भट्टराईले जानकारी दिनुभयो ।

उहाँका अनुसार अङ्ग्रेजी, गणित, विज्ञान र गणितरविज्ञान विषयका २५ जना स्थायी शिक्षकलाई फुङ्लिङ नगरपालिकाबाहेक जिल्लाका अन्य आठ स्थानीय तहमा पदस्थापन गरिएको हो । पदस्थापन भएकामध्ये सबैभन्दा बढी गणितरविज्ञान विषयका आठजना शिक्षक रहनुभएको छ । यस्तै गणित विषका सात जना, विज्ञानका छ जना, सामाजिक र अङ्ग्रेजी विषयका दुई–दुई जना रहनुभएको छ ।

शिक्षा विकास तथा समन्वय इकाईका अनुसार पाथीभरा याङ्वरक र सिदिङ्वा गाउँपालिकामा पाँच–पाँच जना शिक्षकको पदस्थापन भएको छ । त्यस्तै आठराई त्रिवेणी गाउँपालिकामा चारजना, फक्ताङ्लुङ, सिरिजङ्घा र मेरिङ्देन गाउँपालिकामा तीन–तीनजना तथा मिक्वाखोला र मैवाखोला गाउँपालिकामा एक–एकजना शिक्षकको पदस्थापन भएको छ ।

यता पदस्थापन भएका शिक्षकलाई शुक्रबार नियुक्तिपत्र प्रदान गरिने समन्वय इकाइले जनाएको छ । स्थानीय तहहरूमा शिक्षकलाई पदस्थापन गर्ने इकाइले बिहीबार (आज) निर्णय गरेको पनि इकाई प्रमुख भट्टराईले जानकारी दिनुभयो ।gorkhapatraonline.com

प्रकाशित मिति : १० फाल्गुन २०८०, बिहिबार  १२ : ०२ बजे

फुङलिङ नगरपालिका-६ का विद्यार्थीहरुले पाए हाउस बुक

ताप्लेजुङ । ताप्लेजुङको फुङलिङ नगरपालिका ६ का विद्यार्थीहरुलाई हाउस बुक

पाथीभरामा वैशाखमा ६८ लाख भेटी सङ्कलन

ताप्लेजुङ । ताप्लेजुङस्थित प्रसिद्ध तीर्थस्थल पाथीभरा (मुक्कुमलुङ) मा वैशाख महिनामा

ताप्लेजुङमा अनिश्चितकालीन यातायात बन्द : यात्रु मारमा

ताप्लेजुङ । पाथीभरा केबलकार परियोजनाविरुद्ध सङ्घर्षरत समूहले आह्वान गरेको अनिश्चितकालीन

ताप्लेजुङ पर्यटन महोत्सव २०८१ आजबाट सुरु 

ताप्लेजुङ । ताप्लेजुङमा आजबाट ताप्लेजुङ पर्यटन महोत्सव २०८१ सुरु भएको

यातायात बन्दले जनजीवन प्रभावित

ताप्लेजुङ। मेची राजमार्ग, तमोर कोरिडोर र ताप्लेजुङमा गरिएको यातायात बन्दले