ताप्लेजुङमा प्रजातन्त्र दिवसको दिन डोरी तान्ने मैत्रीपूर्ण प्रतियोगिता हुने



ताप्लेजुङ । राष्ट्रिय प्रजातन्त्र दिवस २०८० को अवसरमा ताप्लेजुङमा सोमवार राजनीतिक दल तथा जनप्रतिनिधि र कर्मचारीबीच मैत्रीपूर्ण डोरी तान्ने प्रतियोगिता हुने भएको छ ।

राष्ट्रिय प्रजातन्त्र दिवस जिल्ला मूल समारोह समितिका संयोजक तथा जिल्ला समन्वय समिति प्रमुख छिरिङ लामाको अध्यक्षतामा आइतबार बसेको बैठकले बिभिन्न कार्यक्रममा साथ प्रजातन्त्र दिवस मनाउने निर्णय गरेको जिल्ला मूल समारोह समितिका सदस्य तथा प्रमुख जिल्ला अधिकारी हीरादेवी पौडेलले जानकारी दिनुभयो । उहाँका अनुसार सोमवार फागुन ७ गते जिल्ला समन्वय समितिको परिसरमा वृक्षरोपण समेत गरिने छ । यस्तै जिल्ला समन्वय समितिको प्राङ्गणमा राष्ट्रिय झण्डा झण्डोत्तोलनको कार्यक्रम समेत राखिएको छ ।

प्रजातन्त्र दिवस जिल्ला मूल समारोह समितिले फागुन ६,७ र ८ गते तीन दिन घर तथा सार्वजनिक निकायहरूमा साँझ दीपावली गर्न समेत आह्वान गरेको छ । मूल समारोह समितिले जिल्ला भरका सबै स्थानीय तहमा आ–आफु अनुकूल कार्यक्रम तय गरी राष्ट्रिय प्रजातन्त्र दिवस मनाउन समेत आग्रह गरेको छ ।

मैत्रीपूर्ण डोरी तान्ने प्रतियोगिताका लागि मणिशंकर पोमू संयोजक रहेको तीन सदस्यीय समिति गठन भएको छ । समितिमा कोष तथा लेखा नियन्त्रक कार्यालयका प्रमुख गणेशप्रसाद पोखरेल तथा ताप्लेजुङ उद्योग वाणिज्य संघका महासचिव कमल लिम्बू सदस्य रहनु भएको छ ।

बिजेतालाई जिल्ला समन्वय समितिमार्फत व्यवस्थापन गर्नेगरी १० हजार रुपैयाँ राशीको पुरस्कारको समेत व्यवस्था गरिएको राष्ट्रिय प्रजातन्त्र दिवस जिल्ला मूल समारोह समितिले जनाएको छ । २००७ सालको क्रान्ति सफल भएर १ सय ४ वर्षे लामो निरङ्कुश जहाँनियाँ राणा शासन अन्त्य भएको सम्झनामा हरेक वर्ष फागुन ७ गते राष्ट्रिय प्रजातन्त्र दिवस मनाइन्छ ।eujyalopost.com

प्रकाशित मिति : ६ फाल्गुन २०८०, आईतवार १३:१३

वाइसिएलद्धारा फक्ताङ्लुङको शहीद पार्क र गुम्बामा वृक्षरोपण

ताप्लेजुङ, भदौ १४ गते । योङ्ग कम्युनिष्ट लिग (वाइसिएल) नेपाल

नेपाल बार एसोसिएसन ताप्लेजुङको अध्यक्षमा बलराम भट्टराई चयन

रेडियो काबेलीताप्लेजुङ । नेपाल बार एसोसिएसन जिल्ला अदालत एकाई ताप्लेजुङको

जिल्ला प्रहरी कार्यालय ताप्लेजुङमा लडेर बेहोस भएका प्रहरीको मृत्यु

ताप्लेजुङ, भदौ १३ गते । जिल्ला प्रहरी कार्यालय ताप्लेजुङमा बेहोस

   भदौ २६ गते तिम्बुङ पोखरी ट्रेल रन प्रतियोगिता हुने 

साहारा लिम्बू ताप्लेजुङ, भदौ १३ गते । ताप्लेजुङको सिदिङ्वा गाउँपालिकामा दोस्रो

खेवाङ खेलकुद महोत्सव-२०८२ सञ्चालन हुने 

साहारा लिम्बू ताप्लेजुङ, भदौ १२ गते । ताप्लेजुङमा ‘खेवाङ खेलकुद महोत्सव-२०८२’