नश्ल सुधारका लागि मेरिङदेनद्धारा निशुल्क कृत्तिम गर्भाधान सेवा सुरु




रेडियो काबेली
ताप्लेजुङ ।
मेरिङदेन गाउँपालिकाले उन्नत जातीय नश्ल सुधार गर्नका लागी निशुल्क सेवा सुरु गरेको छ । पालिकाले कृत्तिम गर्भाधान कार्यक्रम संचालन कार्यविधी २०८० बनाएर उक्त सेवा सुरु गरेको हो ।


गत पुष १८ गते कार्यविधी गाउँपालिकाबाट पारित भई सेवा सुरु भएको र हालसम्म दुई वटा भैँसी र एउटा गाईमा कृत्तिम गर्भाधान गरिएको र बाख्रामा पनि कृत्तिम गर्भाधान गराउने प्रकृयामा रहेको सुचना अधिकारी जितेन लिम्बुले जानकारी दिए ।


उन्नत जातीय नश्ल सुधार गरि व्यवसायिक पशुपालनमा सहयोग गर्ने उद्देश्यले गाउँपालिकाले उक्त सेवा गाई, भैँसी र बाख्रामा सुरु गरेको जनाएको छ । पालिकाका पशु प्राविधिकले कृषकको घर दैलोमा नै पुगेर सेवा प्रवाह गर्ने छन् भने सो सेवा मेरिङदेन गाउँपालिका अस्थायी एव्म स्थायी रुपमा बसोबास गर्ने कृषकले पाउने कार्यविधीमा उल्लेख रहेको छ ।


सेवा प्रवाह गर्ने पशु प्राविधिकले कार्यालय समयमा कार्यलयमा सेवा प्रवाह गरेमा निशुल्क, कार्यालय समयभित्र हाजिर भई कृषकको घरमा गई सेवा दिएमा ८ सय रुपैँया, कार्यालय समय बाहिर कृषकको घरमा गई सेवा दिए १ हजार २ सय र बाख्राको जुन सुकै समयमा कृत्तिम गर्भाधान गरेमा पाँच सय रुपैँया प्रोत्साहन स्वरुप गाउँपालिकाले दिनेछ । अन्तरपालिकामा सेवा दिएमा पशु प्राविधिकबाट पालिकाले २०० रुपैँया लिएर पालिकाको आन्तरिक राजस्व खातामा जम्मा गर्नेछ ।


स्थानीयले भने सुँगुरमा पनि कृत्तिम गर्भाधान गर्ने व्यवस्था गरि दिए सहज हुने बताएका छन् । एता गाउँपालिकाले प्राविधिक समस्या र लागत धेरै लाग्ने भएका कारण हाल गाई,भैँसी र बाख्रामा मात्रै गर्भधान सेवा सुरु गरिएको जनाएको छ । मेरिङदेन गाउँपालिकाका अधिकाँश घरमा सुँगुर पाल्ने गरिन्छ ।

प्रकाशित मिति : १० माघ २०८०, बुधबार  ११ : ०० बजे

फुङलिङ नगरपालिका-६ का विद्यार्थीहरुले पाए हाउस बुक

ताप्लेजुङ । ताप्लेजुङको फुङलिङ नगरपालिका ६ का विद्यार्थीहरुलाई हाउस बुक

पाथीभरामा वैशाखमा ६८ लाख भेटी सङ्कलन

ताप्लेजुङ । ताप्लेजुङस्थित प्रसिद्ध तीर्थस्थल पाथीभरा (मुक्कुमलुङ) मा वैशाख महिनामा

ताप्लेजुङमा अनिश्चितकालीन यातायात बन्द : यात्रु मारमा

ताप्लेजुङ । पाथीभरा केबलकार परियोजनाविरुद्ध सङ्घर्षरत समूहले आह्वान गरेको अनिश्चितकालीन

ताप्लेजुङ पर्यटन महोत्सव २०८१ आजबाट सुरु 

ताप्लेजुङ । ताप्लेजुङमा आजबाट ताप्लेजुङ पर्यटन महोत्सव २०८१ सुरु भएको

यातायात बन्दले जनजीवन प्रभावित

ताप्लेजुङ। मेची राजमार्ग, तमोर कोरिडोर र ताप्लेजुङमा गरिएको यातायात बन्दले