ताप्लेजुङ । ताप्लेजुङमा पछिल्लो छ महिनाको अवधिमा झण्डै २ हजार जनाले राहदानी (इ–पासपोर्ट) बनाएका छन् । जिल्ला प्रशासन कार्यालय ताप्लेजुङको तथ्यांकअनुसार पछिल्लो छ महिनाको अवधिमा एक हजार ७५९ जनाले राहदानी बनाएका हुन् ।
जिल्लामा चालू आर्थिक वर्षको छ महिना अर्थात पुस मसान्त सम्ममा एक हजार ७५९ जनाले राहदानी बनाएका छन् । राहदानी फाँटका नायवसुब्बा रमेशप्रसाद सिग्देलका अनुसार एक हजार १९५ जनाले जिल्लाबाट नै बुझ्नेगरी राहदानी बनाएका छन् ।
यस अवधिमा द्रुत सेवाअन्तर्गत काठमाडौंबाट राहदानी बनाउनेगरी २३७ जनाले सिफारिस लगेका उहाँले जानकारी दिनुभयो ।
प्रतिक्रिया