ताप्लेजुङ । मेरिङदेन गाउँपालिकामा पालिका स्तरीय अन्तर विद्यालय चौथो राष्ट्रपति रनिङशिल्ड प्रतियोगिता सम्पन्न भएको छ । पौष २६ गते देखि सुरु भएको उक्त प्रतियोगिता आज सम्पन्न भएको हो ।
![](https://i0.wp.com/radiokabeli.com/wp-content/uploads/2024/01/WhatsApp-Image-2024-01-13-at-6.38.58-PM.jpeg?resize=720%2C480&ssl=1)
तीन दिन सञ्चालन भएको प्रतियोगितामा १६ स्वर्ण, ६ रजत तथा ४ काश्य सहित कुल २६ पदक हात पार्दै श्री पृथ्वी मा.वि. खाम्लुङले रनिङ शिल्ड हात पार्न सफल भएको छ । त्यस्तै ५ स्वर्ण, २ रजत तथा ६ कास्य पदक सहित श्री पान्दोलुङ मा.वि. दोश्रो भएको छ ।
![](https://i0.wp.com/radiokabeli.com/wp-content/uploads/2024/01/WhatsApp-Image-2024-01-13-at-6.38.58-PM-2.jpeg?resize=720%2C480&ssl=1)
२ स्वर्ण, ९ रजत र ५ काश्य पदक सहित श्री सूर्यदेवी मा.वि. तृतीय भएको मेरिङदेन गाउँपालिकाका सूचना अधिकारी जितेन लिम्बूले जानकारी दिनुभएको छ । गाउँपालिकाका अध्यक्ष युक हाँ विर हाङ्गामको प्रमुख आतिथ्यतामा सम्पन भएको समापन प्रतियोगितामा विशिष्ट अतिथिको रुपमा सामाजिक विकास समिति संयोजक तेज कुमार चोङवाङ, मेरिङदेन गाउँपालिका ४ नं. वडाध्यक्ष वेद प्रसाद लिम्बू हाङगाम र निमित्त प्रमुख प्रशासकीय अधिकृत रत्नेश्वरवर प्रसाद साहको उपस्थिति रहेको थियो ।
![](https://i0.wp.com/radiokabeli.com/wp-content/uploads/2024/01/WhatsApp-Image-2024-01-13-at-6.38.58-PM-1.jpeg?resize=720%2C480&ssl=1)
विद्यार्थीको प्रतिभा उजागर गर्न प्रतियोगिताले अहम् भूमिका निर्वाह गरेको पालिका अध्यक्ष हाङ्गामले बताउँनु भएको छ । साथै प्रतियोगिताबाट छनोट भई आठराई त्रिवेणीमा हुने ताप्लेजुङ जिल्ला अन्तरपालिका स्तरीय प्रतियोगितामा मेरिङदेन गाउँपालिकाको प्रतिनिधित्व गर्दे स्वर्ण पदक जित्ने खेलाडीलाई प्रोत्साहन स्वरुप ६ हजार रुपैयाँ प्रदान गरिने घोषणा समेत गर्नु भएको छ ।
![](https://i0.wp.com/radiokabeli.com/wp-content/uploads/2024/01/WhatsApp-Image-2024-01-13-at-6.38.59-PM.jpeg?resize=720%2C480&ssl=1)
साथै अन्तर पालिका स्तरीय राष्ट्रपति रनिङ शिल्ड प्रतियोगिता हुनु भन्दा दुई साता अघि खेलाडीहरूका लागि १५ दिने ट्रेनिङ सेन्टर सञ्चालन हुने पनि बताउँनु भएको छ ।
![](https://i0.wp.com/radiokabeli.com/wp-content/uploads/2024/01/WhatsApp-Image-2024-01-13-at-6.38.58-PM-2-1.jpeg?resize=720%2C480&ssl=1)
कार्यक्रम मेरिङदेन ३ नं. वडा अध्यक्ष गजिन्द्र कुमार नाल्बोको अध्यक्षता सम्पन्न भएको हो ।
![](https://i0.wp.com/radiokabeli.com/wp-content/uploads/2024/01/WhatsApp-Image-2024-01-13-at-6.38.59-PM-1.jpeg?resize=720%2C480&ssl=1)
![](https://i0.wp.com/radiokabeli.com/wp-content/uploads/2024/01/WhatsApp-Image-2024-01-13-at-6.39.00-PM.jpeg?resize=720%2C480&ssl=1)
![](https://i0.wp.com/radiokabeli.com/wp-content/uploads/2024/01/WhatsApp-Image-2024-01-13-at-6.38.59-PM-2.jpeg?resize=720%2C480&ssl=1)
प्रतिक्रिया