मेरिङदेनमा अन्तर विद्यालय चौथो राष्ट्रपति रनिङशिल्ड प्रतियोगिता सम्पन्न, पृथ्वी मा.वि. लाई २६ पदक



ताप्लेजुङ । मेरिङदेन गाउँपालिकामा पालिका स्तरीय अन्तर विद्यालय चौथो राष्ट्रपति रनिङशिल्ड प्रतियोगिता सम्पन्न भएको छ । पौष २६ गते देखि सुरु भएको उक्त  प्रतियोगिता आज सम्पन्न भएको हो ।

तीन दिन सञ्चालन भएको प्रतियोगितामा १६ स्वर्ण, ६ रजत तथा  ४ काश्य सहित कुल २६ पदक हात पार्दै श्री पृथ्वी मा.वि. खाम्लुङले रनिङ शिल्ड हात पार्न सफल भएको छ । त्यस्तै ५ स्वर्ण, २ रजत तथा ६ कास्य पदक सहित श्री पान्दोलुङ मा.वि. दोश्रो भएको छ ।

२ स्वर्ण, ९ रजत र ५ काश्य पदक सहित श्री सूर्यदेवी मा.वि. तृतीय भएको मेरिङदेन गाउँपालिकाका सूचना अधिकारी जितेन लिम्बूले जानकारी दिनुभएको छ । गाउँपालिकाका अध्यक्ष युक हाँ विर हाङ्गामको प्रमुख आतिथ्यतामा सम्पन भएको समापन प्रतियोगितामा विशिष्ट अतिथिको रुपमा  सामाजिक विकास समिति संयोजक तेज कुमार चोङवाङ, मेरिङदेन गाउँपालिका ४ नं. वडाध्यक्ष वेद प्रसाद लिम्बू हाङगाम र निमित्त प्रमुख प्रशासकीय अधिकृत रत्नेश्वरवर प्रसाद साहको उपस्थिति रहेको थियो । 

 विद्यार्थीको प्रतिभा उजागर गर्न प्रतियोगिताले अहम् भूमिका निर्वाह गरेको पालिका अध्यक्ष हाङ्गामले बताउँनु भएको छ । साथै प्रतियोगिताबाट छनोट भई आठराई त्रिवेणीमा हुने ताप्लेजुङ जिल्ला अन्तरपालिका स्तरीय प्रतियोगितामा मेरिङदेन गाउँपालिकाको प्रतिनिधित्व गर्दे स्वर्ण पदक जित्ने खेलाडीलाई प्रोत्साहन स्वरुप ६ हजार रुपैयाँ प्रदान गरिने घोषणा समेत गर्नु भएको छ । 

साथै अन्तर पालिका स्तरीय राष्ट्रपति रनिङ शिल्ड प्रतियोगिता हुनु भन्दा दुई साता अघि खेलाडीहरूका लागि १५ दिने ट्रेनिङ सेन्टर सञ्चालन हुने  पनि बताउँनु भएको छ । 

कार्यक्रम  मेरिङदेन ३ नं. वडा अध्यक्ष गजिन्द्र कुमार नाल्बोको अध्यक्षता सम्पन्न भएको हो । 

प्रकाशित मिति : २८ पुस २०८०, शनिबार  २ : ०२ बजे

ताप्लेजुङमा दुई चरणमा आईपिभि खोप प्रदान गरिँदै, साढे छ हजार बालबालिका लाभान्वित हुने

साहारा लङ्वा लिम्बू ताप्लेजुङ । भोलिदेखि देशैभर सुरुहुने आईपिभि खोप

ताप्लेजुङबाट झापातर्फ प्रस्थान गरेको सवारी दुर्घटनामा एकको ज्यान गयो

पाँचथर – मेचीराजमार्ग अन्तर्गत हिलिहाङ ७ हेवाखोल नजिक शुक्रबार साँझ सवारी दुघर्टना

कोरोना भाइरसका कारण बन्द भएको टिपताला नाका पाँच वर्षपछि खुल्यो

ताप्लेजुङ । नेपाल र चीनको स्वशासित क्षेत्र तिब्बतको सिमाना टिपताला

ताप्लेजुङको फुङलिङमा प्राकृतिक रुपमा उम्रिएका गाँजा नष्ट गरियो

साहारा लङ्वा लिम्बू ताप्लेजुङ । ताप्लेजुङको फुङलिङमा प्राकृतिक रुपमा उम्रिएका

शान्ति आधारभुत विद्यालयका बिद्यार्थीहरुलाई ट्रयाक सुट र झोला वितरण

ताप्लेजुङ । फुङलिङ नगरपालिका २ स्थित शान्ति आधारभुत विद्यालयका विद्यार्थीहरुलाई