ताप्लेजुङ विकास मञ्चद्धारा एकसय ५० बिद्यार्थीलाई शैक्षिक सामाग्री वितरण



रेडियो काबेली
ताप्लेजुङ । ताप्लेजुङ विकास मञ्चले जिल्लाका ६ वटा बिद्यालयका १ सय ५० जेहेन्दार बिद्यार्थीहरुलाई न्यानो कपडा सहित शैक्षिक सामाग्री वितरण गरेको छ । ताप्लेजुङ विकास मञ्चका अध्यक्ष सन्तोष प्रसाँईका अनुसार मंगलवार प्रतिनिधिसभाका सांसद एव्म पुर्व मन्त्री योगेशकुमार भट्टराईको प्रमुख आतिथ्यतामा न्यानो कपडा सहित शैक्षिक सामाग्री बितरण कार्यक्रमको शुभारम्भ गरिएको हो ।

अध्यक्ष सन्तोष प्रसाँईका अनुसार दौंतरी नेपालको आर्थिक सहयोगमा प्रति बिद्यार्थी लागत ५ हजार रुपैयाँ देखि ७ हजार रुपैयाँ सम्म रहेको छ । यसबर्ष तुलसी आधारभूत बिद्यालय खेजेनिम,महेन्द्र आधारभूत बिद्यालय खेवाङ,भगवती आधारभूत बिद्यालय आम्बेगुदिन,सिद्धेश्वरी मावि डुम्रिसे,सूर्यदेवी मावि सान्थाक्रा र भगवती आधारभूत बिद्यालय सिनामका बिद्यार्थीले उक्त सामाग्री पाएका हुन् । न्यानो कपडा(ट्रयाक सुट), जुत्ता,झोला, कापी, डटपेन, पेन्सिल र ज्यामिति बक्स रहेको शैक्षिक सामाग्री उक्त संस्थाले दिने गरेको छ ।


दौंतरी नेपालका अध्यक्ष सम्पन्न स्थापितले दुर्गम जिल्लाका जेहेन्दार बिद्यार्थीको पढाईलाई नियमित गराउन शैक्षिक सामाग्रीको अभावमा बीचमै कक्षा छाड्ने दर घटाउन यस्तो प्रकृतिको सहयोग हुँदै आएको बताए । ताप्लेजुङ विकास मञ्चका अनुसार पढाईमा अब्बल तर बिपन्नताले पढाईलाई निरन्तरता दिन नसक्ने बिद्यार्थीहरुलाई पढाईलाई निरन्तरता दिन सक्ने बिश्वासका साथ बर्सेनि यस्तो सहयोग हुने गरेको छ ।


अघिल्लो बर्ष भने ताप्लेजुङ विकास मञ्चले जिल्लाका ४ बिद्यालयका बिद्यार्थीलाई उक्त प्रकृतिको सहयोग गरेकोमा यसबर्ष बिद्यालय थप गरी ६ वटा पु¥याएको छ । ताप्लेजुङ विकास मञ्चले २०७६ साल देखि उक्त सहयोग गर्दै आएको जनाएको छ ।
सहयोगी संस्था दौंतरी नेपालसंग सहकार्य गरी सहयोगको क्षेत्र,बिद्यालय र बिद्यार्थी संख्या समेत क्रमशःबढाउँदै लैजाने तयारी गरिरहेको समेत ताप्लेजुङ विकास मञ्चका अध्यक्ष प्रसाँईले बताए ।

प्रकाशित मिति : 2:37 pm

पाथीभराबारे तीन भाषामा पुस्तक प्रकाशन

ताप्लेजुङ, मङ्सिर ५ गते । ताप्लेजुङस्थित प्रसिद्ध धार्मिक तीर्थस्थल पाथीभरा

डा. सन्दुक रुइतको उपस्थितिमा सञ्चालन हुने निःशुल्क आँखा शिविर आजबाट सुरु

ताप्लेजुङ, मङ्सिर ५ गते । ताप्लेजुङमा विश्वविख्यात नेत्ररोग विशेषज्ञ डा.

ताप्लेजुङको फङफङदेन झरनामा जारी अलैँची कप : फेदाप फाइनलमा

ताप्लेजुङ, मङ्सिर ५ गते । ताप्लेजुङको मिक्वाखोला गाउँपालिका–४, साँवास्थित फङफङदेन

दोभान–सान्थाक्रा सडक बन्द हुने

ताप्लेजुङ, मङ्सिर ४ गते । ताप्लेजुङको मेरिङ्देन गाउँपालिकामा दोभान बजारदेखि

ताप्लेजुङमा लागूऔषधसहित युवक पक्राउ

ताप्लेजुङ, मङ्सिर ४ गते । ताप्लेजुङमा खैरो हेरोइनजस्तो देखिने लागूऔषधसहित