ताप्लेजुङ । ताप्लेजुङको आठराई त्रिवेणी गाउँपालिकामा सम्पन्न भएको केच्छाङ स्मृति कपको पुरुष तर्फको उपाधि खाम्लालुङ तेह्रथुमले हात पारेको छ ।
वायुयानी शक्तिको येवा पोमुकेच्छाङहाङको स्मृतिमा संचालित प्रतियोगितामा फुलबारीको ओशिस क्लबलाई २–१ गोलअन्तरले पराजित गर्दै खाम्लालुङको सृजनशिल क्लबले उपाधि हात पारेको हो । सेमिफाइनलमा फुलबारीले आयोजकलाई र खाम्लालुङले प्रगतिशिल युवा क्लब रमितेलाई पराजित गर्दै फाईनलमा स्थान पक्का गरेको हो ।
यस्तै महिलातर्फ उपाधि ओशिष क्लब फुलबारीको पोल्टामा परेको छ । पृथ्वी तथा लेस्नामाया स्मृति क्लब मेरिङदेनलाई २–१ गोलअन्तरले पराजित गर्दै फुलबारीले उपाधि रक्षा गर्न सफल भएको आयोजक केच्छाङ स्पोर्टिङ क्लबले जनाएको छ ।
पुरुषतर्फको विजेताले नगद १ लाख ११ हजार १ सय ११ र उपविजेताले ५५ हजार ५ सय ५५ रुपैँया सहित ट्रफी, मेडल र प्रमाण–पत्र प्राप्त गरेका छन् । त्यस्तै महिलातर्फको बिजेतालाई ३३ हजार ३ सय ३३ र उपबिजेतालाई २२ हजार २ सय २२ रुपैँया सहित ट्रफी, मेडल र प्रमाण पत्र प्रदान गरिएको आयोजकले जनाएको छ ।
प्रतिक्रिया