रेडियो काबेली
ताप्लेजुङ । फुङलिङ नगरपालिका वडा नं. ४ मा दलितहरुको लागि उद्धघोषण तथा भाषणकला तालिम शुक्रबारबाट सुरु भएको छ ।
नेपाल कपडा तथा सिलाई व्यवसायी संघ ताप्लेजुङको आयोजनामा वडा नं. ४ को सभाहलमा तालिम सुरु भएको हो ।
लैङ्गिक समानता तथा सामाजिक समावेशीकरणका लागि वडाको आर्थिक सहयोगमा कार्यक्रम सुरु गरिएको कार्यक्रम संयोजक दिपेश सुनामले जानकारी दिए ।
उद्धघाटन कार्यक्रममा बोल्दै प्रमुख अतिथि समेत रहेकी फुङलिङ नगरपालिकाकी उप–प्रमुख भिमा देवी ओझाले कार्यक्रमले सहभागीहरुको वाककलामा विकास हुने र यस्ले हरेकको जिवनमा अर्थ राख्ने विश्वास व्यक्त गरिन् ।
त्यस्तै वडा नं. ४ का अध्यक्ष दुर्गा पालुङ्वाले सबै सहभागीलाई राम्रोसँग सिक्न र सिकेकोे कुरा व्यवहारमा लागु गर्न आग्रह गरे । तालिममा १५ जना सहभागी रहेको आयोजकले जनाएको छ ।
प्रतिक्रिया