फुङलिङ नगरपालिकामा पहिलो पटक नगर खेलकुद समिती गठन

रेडियो काबेली
ताप्लेजुङ । ताप्लेजुङको फुङलिङ नगरपालिकामा पहिलो पटक नगर खेलकुद समिती गठन भएको छ । फङलिङ नगरपालिका वडा नं. ८ का अध्यक्ष क्षितिज सुनुवारको संयोजकत्वमा १४ सदस्यीय नगर खेलकुद समिती चयन भएको हो ।

बुधबार गठन भएको समितीको सदस्यहरुमा सामाजिक समितीबाट फुङलिङ नगरपालिका वडा नं. ४ अध्यक्ष दुर्गा पालङ्वा खेलकुद प्रशिक्षक पुरुषबाट देवकुमार पालुङ्वा, महिलाबाट अनुशा थेबे, पुर्व खेलाडी पासाङ शेर्पा, वेदना गुरुङ, नगरस्तरका खेलकुद सम्बन्धी दर्ता भएको क्लबबाट कविता तामाङ र दिनेश खवास चयन भएका छन् ।