ताप्लेजुङको फुङलिङमा एक घर जलेर नष्ट

ताप्लेजुङ । ताप्लेजुङमा एक घजर जलेर नष्ट भएको छ । शनिबार बिहान फुङलिङ नगरपालिका ६ उकालीपानीका स्थानीय लाल बहादुर गुरुङको घर पुर्णरुपमा जलेर नष्ट भएको संचारकर्मी देवराज गुरुङले जानकारी दिए । उनका अनुसार गुरुङको ढुङगा माटोले बनेको जस्ताको पाताले छाएको २ तले घर जलेर नष्ट भएको हो ।

आगलागीबाट घरमा रहेको लत्ताकपडा, भाडाकुँडा, खाद्यन्न लगायतका सामाग्रीहरु जलेर नष्ट भएका छन् । आगलागी दमकल, नेपाल प्रहरी, शसस्त्र प्रहरी, स्थानीय लगायतको उपस्थितिमा नियन्त्रणमा लिइएको छ ।

आगलागीको कारण र क्षतिको बिबरण भने आउन बाँकी रहेको छ । आगलागी पुर्णरुपमा नियन्त्रण भए पश्चात थप अनुसन्धानबाट मात्र यकिन बिबरण प्राप्त हुने जिल्ला प्रहरी कार्यालय ताप्लेजुङले जनाएको छ ।

हरेक बर्ष हिउँदयामसँगै सुरु हुने सुख्खायामको समयमा ताप्लेजुङ आगलागीको जाखिममा पर्ने गरेको छ । यसअघि ताप्लेजुङको बिरेन्द्रचौक, तोक्मे, शेर्पा टोल, माथिल्लो ट्याक्सी लाईन, दोभान लगयातको क्षेत्रमा आगलागी हुँदा अरबौँ मुल्य बराबरको क्षति भएको छ । आगलागी नियन्त्रणका लागि जिल्लामा हाल एउटा मात्र दमकल सञ्चालनमा रहेको छ ।