युडब्लुएस नेपालले गर्‍यो स्थानीय तहसँग समीक्षात्मक कार्यक्रम 



ताप्लेजुङ । युनाइटेड वल्र्ड एजुकेसन (युडब्लुएस) नेपालले ताप्लेजुङको स्थानीय तहसँग समीक्षात्मक कार्यक्रम सम्पन्न गरेको छ । पिछडिएका तथा सीमान्तकृत समुदायका बालबालिकाहरूलाई शैक्षिक अवसर र पहुँच प्रदान गर्ने उद्देश्यका साथ स्थापित यस संस्थाले आज ताप्लेजुङमा समीक्षात्मक कार्यक्रम सम्पन्न गरेको हो । 

ताप्लेजुङका स्थानीय तहका प्रमुख तथा उपप्रमुख साथै यस अघि पनि शिक्षा क्षेत्रमा काम गर्दै आएका रिड नेपाल र एचपिएफ सँग गुणस्तरीय तथा समावेशी शिक्षा प्रवर्द्धनका लागि समीक्षात्मक कार्यक्रम गरिएको युडब्लुएसका अध्यक्ष खेमराज खड्काले जानकारी दिनुभएको छ । उहाँका अनुसार छिमेकी जिल्ला सङ्खुवासभा जिल्ला प्रशासन कार्यलयमा दर्ता भई स्थापना भएको युडब्लुएस नेपालले ताप्लेजुङमा समेत आफ्नो कार्यक्षेत्र बढाउने भएको छ ।

यसअघि ताप्लेजुङमा ५ ओटा सहित संखुवासभामा ५३ र गुल्मीमा १८ ओटा विद्यालय निर्माण सम्पन्न भएको पनि उहाँले जानकारी दिनु भएको छ । युडब्लुएस नेपालले ताप्लेजुङमा हालसम्म फुङलिङ नगरपालिकाको दिपज्योति आधारभुत विद्यालय, सिम्ले आधारभुत विद्यालय, मेरिङदेन गाउँपालिकाको सिद्वकाली आधारभुत विद्यालय थिङलाबु, पाथीभरा याङवरक गाउँपालिकाको जनता आधारभुत विद्यालय थुम्बेदिन र मैवाखोला गाउँपालिकाको सरस्वती आधारभुत विद्यालय तुम्बेको भवन निर्माण गरेको छ । 

ताप्लेजुङको अन्य क्षेत्रमा समेत आफ्नो कार्यक्षेत्र बिस्तार गर्न आज जिल्लाका स्थानीय तहका प्रमुखहरूसँग छलफलको आयोजना गरिएको अध्यक्ष खड्काको बताउँनुभयो । युडब्लुएस नेपालले युके एड, स्थानीय तह र समुदायसँगको साझेदारीमा काम गर्दै आइरहेको छ । 

हालसम्ममा ७६ ओटा विद्यालयमा करिब १४ हजार विद्यार्थी लाभान्वित भएको युडब्लुएस नेपालको भनाई छ । 

प्रकाशित मिति : १९ मंसिर २०८०, मंगलवार १२:५४

मैवाखोला गाउँपालिकामा ट्याक्टर दुर्घटनामा परि एक जनाको मृत्यु

ताप्लेजुङ। ताप्लेजुङको मैवाखोला गाउँपालिकामा ट्याक्टर दुर्घटनामा परि एक जनाको मृत्यु

जन्मदिनको अवसरमा फक्ताङलुङ उपाध्यक्ष लिम्बुले गरे मनसुन प्रभावितलाई खाद्यान्न वितरण

ताप्लेजुङ । ताप्लेजुङको फक्ताङलुङ गाउँपालिका उपाध्यक्ष विकास साम्रा लिम्बु (रविन)

ताप्लेजुङमा मनाइयो सिसेक्पा तङ्नाममा

ताप्लेजुङ। साउने सङ्क्रान्तिलाई किराँत लिम्बू समुदायले ‘सिसेक्पा तङ्नाम’ भन्ने गर्दछन्।

तोक्पेगोला पर्यटन तथा चौरी महोत्सव २०८१ साउन २५ गतेदेखी हुने

एलिना दियालीताप्लेजुङ । तोक्पेगोाल पर्यटन तथा चौरी महोत्सव २०८१ हुने

एक वर्षमा २ लाख ३१ हजार बढी तिर्थयात्री पाथीभरामा आए

ताप्लेजुङ। प्रसिद्ध तिर्थस्थल पाथीभरामा गत आर्थक वर्षमा २ लाख ३१