ताप्लेजुङ । प्रथम कञ्चनजंघा सेसेलुङलु गोल्ड कपमा चक्रघट्टी फुटबल क्लब सुनसरी फाइनलमा प्रवेश गरेको छ । आज भएको पहिलो सेमिफाइनल खेलामा आठराई गाउँपालिका तेह्रथुमलाई १-० गोल अन्तरले पछि पार्दै सुनसरी फाइनलमा प्रवेश गरेको हो ।
सुनसरीले ताप्लेजुङलाई र तेह्रथुमले धनकुटालाई हराउँदै सेमिफाइनलमा प्रवेश गरेका थिए । भोलि हुने सेमिफाइनलको दोश्रो खेलमा पाँचथर फुटबल क्लब र सगरमाथा युथ क्लब मोरङ बीच प्रतिष्पर्धा हुँदैछ ।
![](https://i0.wp.com/radiokabeli.com/wp-content/uploads/2023/12/image_50416385.jpg?resize=720%2C540&ssl=1)
पाँचथरले जल थल फुटबल क्लब झापालाई १–० गोल अन्तरले पराजित गर्दै सेमिफाइनलको यात्रा तय गरेको हो भने, सगरमाथाले बी. टी. फुटबल क्लब तेह्रथुमलाई ४-० गोल अन्तरले पराजित गर्दै सेमिफाइनलको यात्रा तय गरेको हो ।
भोलिको खेलमा जित हासिल गर्ने टिमले फाइनलमा सुनसरी सँगको भेट पक्का गर्ने छ । चासोक तङ्नामको अवसरमा कञ्चनजंघा फुङलिङ क्लब, ङा वोरक सङजुम्जुभो फुङलेङ र चासोक तङ्नाम सञ्चालन समितिको संयुक्त पहलमा आयोजित प्रतियोगिताको फाइनल खेल पुष ११ गते हुँदैछ ।
![](https://i0.wp.com/radiokabeli.com/wp-content/uploads/2023/12/image_50437377.jpg?resize=720%2C540&ssl=1)
खेलको विजेता र उपविजेतालाई क्रमश नगद ३ लाख २ हजार ८० र १ लाख ५१ हजार ८० रुपैयाँ सहित ट्रफी, मेडल र प्रमाण–पत्र प्रदान गरिने आयोजकले जनाएको छ ।
प्रतिक्रिया