ताप्लेजुङ – जुट बिकास फुटबल एकेडेमी ईटहरी, सुनसरी ताप्लेजुङमा जारी प्रथम ताप्लेजुङ गोल्डकपको फाईनलमा प्रवेश गरेको छ ।
सोमबार सम्पन्न भएको पहिलो सेमिफाईनल खेलमा पथरी ११ फुटबल क्लब मोरङलाई ट्राईबेकरमा ५–४ गोलअन्तरले पराजित गर्दै सुनसरी फाईनलमा प्रवेश गरेको हो । निर्धारित समयावधिमा दुवै टीमले कुनैपनि गोल गर्न नसकेपछि खेलको नतिजा ट्राईबेकरबाट प्राप्त भएको हो । सुनसरीले फाईनलमा अब भोलि हुने रेडहर्ष फुटबल क्लब ईलाम र रेडस्टार फुटबल क्बल बिर्तामोड झापाबीचको विजेतासँग प्रतिष्पर्धा गर्नेछ । लाखेजात्रा सञ्चालन समितिद्वारा आयोजित खेलको फाईनल भदौ २० गते हुदैछ ।
![](https://i0.wp.com/radiokabeli.com/wp-content/uploads/2023/09/IMG_7363.jpg?resize=720%2C398&ssl=1)
प्रतियोगिताको विजेताले ३ लाख ११ हजार १ सय ११ रुपैँया प्राप्त गर्दा उपविजेताले भने १ लाख ५१ हजार १ सय ११ रुपैँयामा चित्त बुझाउनेछ । दुवैटीमलाई ट्रफी, मेडल र प्रमाण पत्रको समेत व्यवस्था गरिएको आयोजकले जनाएको छ ।
![](https://i0.wp.com/radiokabeli.com/wp-content/uploads/2023/09/IMG_7360.jpg?resize=720%2C480&ssl=1)
प्रतिक्रिया