ताप्लेजुङ गोल्ड कप : विदेशी क्लबलाई पाखा लगाउँदै झापा सेमिफाइनलमा प्रवेश

ताप्लेजुङ – फुङलिङमा जारी ताप्लेजुङ गोल्डकपको अन्तिम क्वाटरफाइनलबाट रेडस्टार फुटबल क्लव विर्तामोड झापा विजयी भएको छ । 

युनाईटेड खर्साङ फुटबल क्लव दार्जिलिङ भारतलाई १–० गोलअन्तरले पराजित गर्दै झापाले सेमिफाईनलको यात्रा सुरक्षित गरेको हो । अब सेमिफाइनलमा झापाले रेडहर्स फुटबल क्बल ईलामसँग भदौ १९ गते फाइनल प्रवेशका लागि प्रतिष्पर्धा गर्नेछ । नाईजेरियन खेलाडी जोन ग्लोरीले खेलको १२ औं मिनेटमा गरेको गोल नै निर्णायक बन्यो । सोमबार हुने पहिलो सेमिफाईनल खेलमा जुटविकास फुटबल एकेडेमी ईटहरी र पथरी ११ फुटबल क्लव भिड्ने छन् । जुटविकासले ताप्लेजुङको मानाभरा स्पोर्टिङ क्लवलाई पराजित गरेको हो भने पथरीले फिदिम स्पोर्टिङ क्लवलाई हराउँदै सेमिफाईनलको यात्रा तय गरेको हो । 

प्रतियोगिताको फाइनल खेल भदौ २० गते हुनेछ । विजेता र उपविजेताले क्रमश नगद ३ लाख ११ हजार र १ लाख ५१ हजार १ सय ११ रुपैयाँ पाउने आयोजक लाखेजात्रा सञ्चालन समितिले जनाएको छ ।