वर्डक्याम्प नेपाल २०२२ भरतपुरमा सम्पन्न



ताप्लेजुङ । चितवनको भरतपुरमा शनिबार देखि सञ्चालन भएको वर्डप्रेस सम्बन्धी दुई दिवसीय वृहत् अन्तर्राष्ट्रिय सम्मेलन ‘वर्डक्याम्प नेपाल २०२२’ आइतबार सम्पन्न भएको छ । विश्वव्यापी रूपमा आयोजना हुने वर्डक्याम्प, वर्डप्रेस कम्युनिटीले गर्ने सबैभन्दा ठुलो सम्मेलन हो । हालसम्म ६५ देशका ३७९ सहरहरूमा ११२४ वटा वर्डक्याम्प सम्पन्न भएका छन् र नेपालमा यो सँगै १५ ओटा वर्डक्याम्प सम्पन्न भएको छ ।

वर्डप्रेस नेपालको आयोजनामा भरतपुरस्थित चितवन गार्डेन रिसोर्टमा भएको उक्त सम्मेलनको पहिलो दिन राष्ट्रिय तथा अन्तर्राष्ट्रिय ख्यातिप्राप्त प्रशिक्षकहरूले सूचना प्रविधिका विविध विषयहरूमा प्रशिक्षण दिएका थिए । पहिलो दिनको प्रशिक्षकहरूमा ४ जना अन्तर्राष्ट्रिय तथा ६ जना महिला गरी १८ जनाको सहभागिता रहेको थियो ।

प्रशिक्षकहरूमध्ये भारतदेखि आएका राहुल डी सर्केरले सर्च इन्जिन सम्बन्धी तथा आदित्य शाहले टेक्निकल टर्म डब्ल्युपी सी।एल।आईसम्बन्धी प्रशिक्षण दिएका थिए। यस्तै बंगलादेश देखि आएका रेहान अरिफले कन्टेन्ट मार्केटिङ तथा तनाज मासबाले सूचना प्रविधिको क्षेत्रमा कार्यरत व्यक्तिहरुले स्वास्थ्यमा आउन सक्ने समस्या र त्यसलाई निवारण गर्ने विषयमा प्रशिक्षण दिएकी थिइन् ।

नेपाली प्रशिक्षकहरु ईडा रिजाल, सृष्टि श्रेष्ठ, रोशन जैसवाल, अभिषेक रिजाल, गर्वित श्रेष्ठ, नबिन जैसवाल, सुनिता राई, जिना पौडेल, कृष्ण न्यौपाने, सन्तोष भण्डारी, अनुप अधिकारी, एलिना कक्षपति र लक्ष्मण भट्टराईले वर्डप्रेसलाई व्यावसायिकता प्रदान गर्दा आउन सक्ने चुनौती तथा तिनीहरूको समाधानका विषयमा प्रशिक्षण दिएका थिए ।

सम्मेलनको दोस्रो दिनमा वर्डप्रेसलाई अझै सबल विस्तारित र सुरक्षित बनाउन वर्डप्रेसका प्रयोगकर्ताहरूले कसरी योगदान दिन सकिन्छ भन्ने विषयमा प्रशिक्षण दिइएको थियो।

काठमाडौँ, पोखरा, भरतपुर, विराटनगर, बुटवल, धनगढी, वीरगन्ज लगायत देशका विभिन्न स्थानबाट आठ सय जनाको सहभागिता रहेको थियो। उक्त कार्यक्रममा देशका विभिन्न स्थानबाट झन्डै १०० जनाले आयोजक समितिमा रही भव्य रूपमा सम्पन्न गर्न भूमिका खेलेका थिए र कार्यक्रम सञ्चालन अर्जुन गुरुङ र अञ्जली बरुवालले गरेका थिए । सम्मेलनको अन्त्यमा आगामी ‘वर्डक्याम्प नेपाल २०२४’ पोखरामा गर्ने घोषणा गरिएको थियो ।

प्रकाशित मिति : २१ कार्तिक २०७९, सोमबार  ७ : ५४ बजे

आठराई त्रिवेणीमा सम्पन्न भयो ७ दिने उद्घोषण तथा भाषणकला सम्बन्धी तालिम 

ताप्लेजुङ। ताप्लेजुङको आठराई त्रिवेणी गाउँपालिकाको केन्द्र हाङपाङमा गत जेठ २७

ताप्लेजुङको मामांखे र याम्फुदिनमा बाढी पहिरोका कारण सयौँ परिवार प्रभावित, लाखौँको क्षती

रेडियो काबेलीताप्लेजुङ । ताप्लेजुङको सिरिजङ्घा गाउँपालिका वडा नंं. ६ मामाङ्खे

ताप्लेजुङको विभिन्न ठाउँमा पहिरो : दर्जनौं परिवार विस्थापित

ताप्लेजुङ । ताप्लेजुङको विभिन्न ठाउँमा गएको पहिरोले दर्जनौ परिवार विस्थापित

पाथीभरामा जेठ महिनामा १६ लाख ५० हजार बढी भेटी सङ्कलन

ताप्लेजुङ । ताप्लेजुङको पाथीभरा (मुकुमलुङ)मा जेठ महिनामा १६ लाख ५०

पहिरोले मिक्वाखोलाको पापुङका तीन परिवार विस्थापित

रेडियो काबेलीताप्लेजुङ । शनिबार बिहान गएको पहिरोले मिक्वाखोला गाउँपालिका–५ पापुङको