फङफङदेन झरनामा सम्पन्न अलैँची कपको उपाधि मरिक एफसीलाई



ताप्लेजुङ, मङ्सिर ६ गते । ताप्लेजुङको मिक्वाखोला गाउँपालिका –४, साँवास्थित पर्यटकीय गन्तव्य फङफङदेन झरनामा सञ्चालित अलैँची कप आमन्त्रित पुरुष फुटबल प्रतियोगिताको उपाधि धरानको मरिक एफसीले हात पारेको छ । आइतबार भएको फाइनल खेलमा ट्राइबेकरमा तेह्रथुमको फेदाप गाउँपालिकालाई ६–५ गोल अन्तरले पराजित गर्दै मरिक एपफसीले उपाधि हात पारेको हो ।

निर्धारित समयमा दुवै टिमबाट एक–एकको बराबरी गोल भए सँगै खेल ट्राइबेकरमा धकेलीएको थियो । मरिकले उपाधि सँगै तीन लाख दुई हजार ८३ रुपियाँ बराबरको अलैँची पुरस्कारसहित ट्रफी, मेडल र प्रमाण पत्र प्राप्त गरेको छ । यस्तै तेह्रथुमको फेदाप गाउँपालिकाले एक लाख ५२ हजार ८३ रुपियाँ बराबरको अलैँचीसहित ट्रफी, मेडल र प्रमाणपत्रमा चित्त बुझाउन परेको छ ।

प्रतियोगिताको उत्कृष्ट खेलाडी मरिक एफसी धरानका मिलन लिम्बू हुनुभएको छ । उहाँलाई पाँच हजार रुपियाँ बराबरको अलैँची प्रदान गरिएको छ । यस्तै उत्कृष्ट गोलकिपर मरिककै विपुल मगर, उत्कृष्ट डिफेन्डर जङ्ग खड्का र सर्वाधिक गोलकर्ता मरिकका कृष्ण राई हुनुभएको छ । उहाँहरूलाई तिन हजार रुपियाँ बराबरको अलैँची प्रदान गरिएको छ ।

शनिबार सम्पन्न दोस्रो सेमिफाइनल खेलमा पाँचथरको कुम्मायक कुस्सायक स्पोर्टिङ क्लबलाई ३–२ गोलले पराजित गर्दै मरिक एफसीले फाइनलमा स्थान सुरक्षित गरेको थियो । यस्तै शुक्रबार फेदाप गाउँपालिकाले पहिलो सेमिफाइनल खेलमा आयोजक फङफङदेन झरना पर्यटन विकास समितिलाई १–० गोलले पराजित पराजित गर्दै फाइनलमा प्रवेश गरेको थियो ।

फङफङदेन झरना पर्यटन विकास समितिको आयोजनामा मङ्सिर २ गतेदेखि सञ्चालन भएको प्रतियोगिताको फाइनल खेल आज भएको हो । ताप्लेजुङको प्रमुख नगदेबाली अलैँचीलाई खेलकुद र पर्यटनसँग जोड्दै यसको बजार विस्तार तथा पहिचान प्रवर्धन गर्ने र फङफङदेन झरनालाई पर्यटकीय गन्तव्यका रूपमा स्थापित गर्ने उद्देश्यले मेला तजा प्रतियोगिताको आयोजना गरिएको फङफङदेन झरना पर्यटन विकास समितिका अध्यक्ष विजय साँवाले बताउनुभयो ।

प्रकाशित मिति : 5:11 pm

फङफङदेन झरनामा सम्पन्न अलैँची कपको उपाधि मरिक एफसीलाई

ताप्लेजुङ, मङ्सिर ६ गते । ताप्लेजुङको मिक्वाखोला गाउँपालिका –४, साँवास्थित

अलैँची कपको उपाधिका लागि फेदाप र मरिक भिड्ने

ताप्लेजुङ, मङ्सिर ६ गते । ताप्लेजुङको मिक्वाखोला गाउँपालिका–४, साँवास्थित पर्यटकीय

निःशुल्क आँखा शिविरको पहिलो दिन ६८ जनाको शल्यक्रिया

ताप्लेजुङ, मङ्सिर ६ गते । विश्वविख्यात नेत्ररोग विशेषज्ञ डाक्टर सन्दुक

ताप्लेजुङमा सुविधासम्पन्न आँखा शल्यक्रिया कक्ष

ताप्लेजुङ, मङ्सिर ५ गते । ताप्लेजुङको डिचेन डोङ्गला स्मारक आँखा

पाथीभराबारे तीन भाषामा पुस्तक प्रकाशन

ताप्लेजुङ, मङ्सिर ५ गते । ताप्लेजुङस्थित प्रसिद्ध धार्मिक तीर्थस्थल पाथीभरा