फरार प्रतिवादी पक्राउ



ताप्लेजुङ, मङ्सिर १ गते । ताप्लेजुङमा सवारी ज्यान मुद्दामा अदालतबाट दोषी ठहर भई कैद भुक्तान नगरी फरार रहेका एक जना प्रतिवादीलाई प्रहरीले पक्राउ गरेको छ ।

पक्राउ पर्नेमा झापाको कनकाई नगरपालिका–१ निवासी जीवन चोलागाईं रहेका छन् । जिल्ला प्रहरी कार्यालय ताप्लेजुङका सूचना अधिकारी तथा प्रहरी निरीक्षक विन्देश्वर यादवका अनुसार चोलागाईंलाई कात्तिक २६ गते झापाको कनकाई नगरपालिका–१ बाट पक्राउ गरिएको हो ।

चोलागाईंलाई मङ्गलबार फैसला कार्यान्वयनका लागि ताप्लेजुङ जिल्ला अदालतमा उपस्थित गराइएको छ । ताप्लेजुङ जिल्ला अदालतको २०७० फागुन २५ गतेको फैसलाअनुसार सवारी ज्यान मुद्दामा दोषी ठहर हुनुभएका चोलागाईंले एक वर्ष ११ महिना चार दिन कैद भुक्तान गर्न बाँकी रहेको सूचना अधिकारी यादवले जानकारी दिनुभयो ।

प्रहरीले अदालतबाट दोषी ठहर भई कैद तथा जरिवाना भुक्तान गर्न बाँकी रहेका फरार प्रतिवादीको खोजी तथा पक्राउ अभियानलाई निरन्तरता दिएको जनाएको छ ।

प्रकाशित मिति : 6:56 pm

ताप्लेजुङमा मनाइयो चासोक तङ्नाम (फोटोफिचर)

ताप्लेजुङ, मङ्सिर १ गते । ताप्लेजुङमा लिम्बू समुदायको महान् पर्व

फरार प्रतिवादी पक्राउ

ताप्लेजुङ, मङ्सिर १ गते । ताप्लेजुङमा सवारी ज्यान मुद्दामा अदालतबाट

सोमराजको मृत्यु प्रकरणमा दुई जना पक्राउ

ताप्लेजुङ, मङ्सिर १ गते । ताप्लेजुङको फुङलिङमा मृत अवस्थामा फेला

पाथीभरामा एक महिनामा ६४ हजार बढी दर्शनार्थी

ताप्लेजुङ, कात्तिक ३० गते । ताप्लेजुङमा अवस्थित प्रसिद्ध धार्मिकस्थल पाथीभरामा

ताप्लेजुङमा डा. सन्दुक रुइतको उपस्थितिमा चारदिने निःशुल्क आँखा शिविर सञ्चालन हुने

ताप्लेजुङ, कात्तिक २९ गते । ताप्लेजुङमा विश्वविख्यात नेत्ररोग विशेषज्ञ डा.