सोमराजको मृत्यु प्रकरणमा दुई जना पक्राउ



ताप्लेजुङ, मङ्सिर १ गते । ताप्लेजुङको फुङलिङमा मृत अवस्थामा फेला परेका सोमराज गुरुङको मृत्यु प्रकरणमा प्रहरीले दुई जनालाई पक्राउ गरेको छ ।घटनाको प्रारम्भिक अनुसन्धानका क्रममा संलग्नता देखिएको भन्दै प्रहरीले दुई जनालाई पक्राउ गरेको हो ।

जिल्ला प्रहरी कार्यालय ताप्लेजुङका सूचना अधिकारी तथा प्रहरी निरीक्षक विन्देश्वर यादवका अनुसार पक्राउ पर्नेमा सिरिजङ्घा गाउँपालिका–३ निवासी २६ वर्षीय प्रिती हाङ लिम्बू र सिदिङ्वा गाउँपालिका–७ घर भई हाल फुङलिङ नगरपालिका–४ मा बस्ने ३८ वर्षीया बिना सोदेन गुरुङ रहेका छन् ।

सिदिङ्वा गाउँपालिका–६ घर भई फुङलिङ नगरपालिका–४ मा डेरा गरी बस्दै आउनुभएका ५५ वर्षीय गुरुङ गत कात्तिक २४ गते राति करिब ११ बजे फुङलिङ नगरपालिका–४ क्याम्पस लाइनस्थित डेराको कोठामा मृत अवस्थामा फेला पर्नुभएको थियो ।

पक्राउ परेका दुवै जनाविरुद्ध ज्यानसम्बन्धी मुद्दामा किटानी जाहेरी परेको सूचना अधिकारी यादवले जानकारी दिनुभयो । उनीहरूलाई मुलुकी फौजदारी कार्यविधि संहिता, २०७४ को दफा १४(३) बमोजिम ताप्लेजुङ जिल्ला अदालतबाट सात दिनको म्याद थप गरी अनुसन्धान भइरहेको प्रहरीले जनाएको छ ।

प्रकाशित मिति : 4:47 pm

सोमराजको मृत्यु प्रकरणमा दुई जना पक्राउ

ताप्लेजुङ, मङ्सिर १ गते । ताप्लेजुङको फुङलिङमा मृत अवस्थामा फेला

पाथीभरामा एक महिनामा ६४ हजार बढी दर्शनार्थी

ताप्लेजुङ, कात्तिक ३० गते । ताप्लेजुङमा अवस्थित प्रसिद्ध धार्मिकस्थल पाथीभरामा

ताप्लेजुङमा डा. सन्दुक रुइतको उपस्थितिमा चारदिने निःशुल्क आँखा शिविर सञ्चालन हुने

ताप्लेजुङ, कात्तिक २९ गते । ताप्लेजुङमा विश्वविख्यात नेत्ररोग विशेषज्ञ डा.

मेची राजमार्गमा दुई बस ठोक्किँदा तीन घाइते

ताप्लेजुङ, कात्तिक २८ गते । ताप्लेजुङको पाथीभरा याङ्वरक गाउँपालिका–१ खहरेस्थित

पाथीभरामा एकैदिन ११ हजार बढी दर्शनार्थी

ताप्लेजुङ, कात्तिक २८ गते । ताप्लेजुङमा अवस्थित प्रसिद्ध धार्मिकस्थल पाथीभरामा