फुसको छाना हटाउन पाथीभरा याङवरकले आवेदन माग्यो



ताप्लेजुङ, असोज २ गते । ताप्लेजुङको पाथीभरा याङवरक गाउँपालिकाले फुसको छाना भएका घरलाई जस्तापाताले विस्थापन गर्ने भएको छ । गाउँपालिकाले चालु आर्थिक वर्ष २०८३-०८४ मा सञ्चालन गर्ने नागरिक आवास सुधार कार्यक्रमअन्तर्गत फुस वा खरको छाना हटाएर जस्तापाता लगाउन आवेदन माग गरेको हो ।

गाउँपालिकाले असोज २ गते सूचना जारी गर्दै सूचना प्रकाशित भएको मितिले १५ दिनभित्र सम्बन्धित वडा कार्यालयमा आवेदन दर्ता गराउन आग्रह गरेको छ । कार्यक्रमअन्तर्गत गाउँपालिकाभित्र फुस वा खरको छाना भएको घरमा बसोबास गरिरहेका लक्षित परिवारलाई समेटिने जनाइएको छ ।

कार्यक्रमका लागि गाउँपालिकाको स्थायी बासिन्दा हुनुपर्नेछ । साथै हाल फुस वा खरको छाना भएको घरमा बसोबास गरिरहेको हुनुपर्ने गाउँपालिकाले जनाएको छ । परिवारको आर्थिक अवस्था अति विपन्न भएका, दलित, सीमान्तकृत, एकल महिला तथा अपाङ्गता भएका व्यक्ति वा परिवारलाई प्राथमिकता दिइने सूचनामा उल्लेख छ ।

यसअघि फुसको छाना हटाउने कार्यक्रममा लाभ नलिएका परिवारलाई मात्र कार्यक्रममा समावेश गरिनेछ । आवेदनसँगै निवेदन वा आवेदन फाराम, घरमुलीको नागरिकताको प्रतिलिपि, घर रहेको जग्गाको लालपुर्जा वा स्वामित्व खुल्ने वडाको प्रमाणित सिफारिस, फुस वा खरको छाना देखिने घरको तस्बिर र परिवारका सदस्यको विवरण पेस गर्नुपर्नेछ ।

प्रकाशित मिति : 5:11 pm

पाथीभराबारे तीन भाषामा पुस्तक प्रकाशन

ताप्लेजुङ, मङ्सिर ५ गते । ताप्लेजुङस्थित प्रसिद्ध धार्मिक तीर्थस्थल पाथीभरा

डा. सन्दुक रुइतको उपस्थितिमा सञ्चालन हुने निःशुल्क आँखा शिविर आजबाट सुरु

ताप्लेजुङ, मङ्सिर ५ गते । ताप्लेजुङमा विश्वविख्यात नेत्ररोग विशेषज्ञ डा.

ताप्लेजुङको फङफङदेन झरनामा जारी अलैँची कप : फेदाप फाइनलमा

ताप्लेजुङ, मङ्सिर ५ गते । ताप्लेजुङको मिक्वाखोला गाउँपालिका–४, साँवास्थित फङफङदेन

दोभान–सान्थाक्रा सडक बन्द हुने

ताप्लेजुङ, मङ्सिर ४ गते । ताप्लेजुङको मेरिङ्देन गाउँपालिकामा दोभान बजारदेखि

ताप्लेजुङमा लागूऔषधसहित युवक पक्राउ

ताप्लेजुङ, मङ्सिर ४ गते । ताप्लेजुङमा खैरो हेरोइनजस्तो देखिने लागूऔषधसहित