मैवाखोला गाउँपालिकामा ६ विधाका खेल प्रशिक्षक



ताप्लेजुङ, भदौ ४ गते । ताप्लेजुङको मैवाखोला गाउँपालिकाले विद्यालय तहमा खेलकुद गतिविधिलाई थप प्रभावकारी बनाउन ६ विधाका खेल प्रशिक्षकको व्यवस्था गर्ने भएको छ । गाउँपालिकाले फुटबल, भलिबल, सितोरियो कराँते, उसु, तेक्वान्दो र कबड्डी विधामा नियमित प्रशिक्षण सञ्चालन गर्न प्रशिक्षक व्यवस्थापन गर्ने जनाएको हो ।

गाउँपालिका अध्यक्ष विजयप्रकाश वनेमका अनुसार खेलाडीको क्षमता विकाससँगै खेलकुदमा दक्ष, अनुशासित र व्यावसायिक जनशक्ति उत्पादन गर्ने उद्देश्यले प्रशिक्षकको व्यवस्था गर्न लागिएको हो । यसअघि गाउँपालिकाले फुटबल, भलिबल, तेक्वान्दो, कराँते र उसु गरी पाँच विधाका प्रशिक्षकलाई सेवा करारमा नियुक्त गरी पालिकाभित्रका विद्यालयमा तालिका बनाएर प्रशिक्षण सञ्चालन गर्दै आएको थियो ।

मैवाखोला गाउँपालिका जिल्ला स्तरीय राष्ट्रपति रनिङ शिल्ड प्रतियोगितामा लगातार दुई पटक विजेता बनेको स्थानीय तह हो । खेलकुदमा विद्यालय तहदेखि नै विद्यार्थीको रुचि र क्षमता पहिचान गर्ने उद्देश्यले गाउँपालिकाले विभिन्न विधामा प्रतियोगितासमेत सञ्चालन गर्दै आएको छ ।

अध्यक्ष वनेमले खेलकुदलाई गाउँपालिकाको पहिचान र गौरवसँग जोड्दै खेलाडीको व्यावसायिक भविष्य सुनिश्चित गर्ने नीति लिइएको बताउनुभयो । उहाँका अनुसार खेलाडीलाई आर्थिक तथा सामाजिक संरक्षणसँगै आवश्यक प्रोत्साहनका कार्यक्रम सञ्चालन गर्ने तयारी छ ।

गाउँपालिकाले चालु आर्थिक वर्ष २०८३/८४ मा युवा तथा खेलकुद क्षेत्रका लागि ६९ लाख रुपियाँ बजेट विनियोजन गरेको छ । उक्त बजेटमार्फत प्रशिक्षण, प्रतियोगिता, खेलाडी प्रोत्साहन तथा खेलकुद पूर्वाधारलगायतका कार्यक्रम सञ्चालन गरिने गाउँपालिकाले जनाएको छ ।

प्रकाशित मिति : 6:20 am

पाथीभराबारे तीन भाषामा पुस्तक प्रकाशन

ताप्लेजुङ, मङ्सिर ५ गते । ताप्लेजुङस्थित प्रसिद्ध धार्मिक तीर्थस्थल पाथीभरा

डा. सन्दुक रुइतको उपस्थितिमा सञ्चालन हुने निःशुल्क आँखा शिविर आजबाट सुरु

ताप्लेजुङ, मङ्सिर ५ गते । ताप्लेजुङमा विश्वविख्यात नेत्ररोग विशेषज्ञ डा.

ताप्लेजुङको फङफङदेन झरनामा जारी अलैँची कप : फेदाप फाइनलमा

ताप्लेजुङ, मङ्सिर ५ गते । ताप्लेजुङको मिक्वाखोला गाउँपालिका–४, साँवास्थित फङफङदेन

दोभान–सान्थाक्रा सडक बन्द हुने

ताप्लेजुङ, मङ्सिर ४ गते । ताप्लेजुङको मेरिङ्देन गाउँपालिकामा दोभान बजारदेखि

ताप्लेजुङमा लागूऔषधसहित युवक पक्राउ

ताप्लेजुङ, मङ्सिर ४ गते । ताप्लेजुङमा खैरो हेरोइनजस्तो देखिने लागूऔषधसहित